Ҳинд киносининг машҳур хонандаларидан бири, бастакор, актриса Лата Мангешкар бугун, 6 февраль куни эрталаб 92 ёшида вафот этди. Бу ҳақда «ТАСС» хабар бермоқда.
Мангешкар она юртида «Ҳиндистон булбули» ва «Мусиқа қироличаси» деб ном олган ва кўплаб фильмлар учун асосан ҳинд, маратҳи ва бенгал тилларида қўшиқ куйлаган. У кўплаб кино мукофотлари совриндори ҳисобланади. 2001 йилда Мангешкар Ҳиндистоннинг олий мукофоти — «Бҳарат Ратна» билан тақдирланган.
Лата Мангешкар «Бозигар», «Жаноб 420», «Бобби», «Қасос ва қонун», «Али бобо ва 40 қароқчи», «Ҳаётда ҳамма нарса бўлади», «Гоҳи шодлик, гоҳи ғам» каби юзлаб фильмлардаги қўшиқлари билан ўзбек томошабинларининг кўнглидан жой олган.
Изоҳ (0)