«Тошкент шаҳар жамоат транспорти тизимини янада ривожлантиришга доир қўшимча чора-тадбирлар тўғрисида»ги президент қарори қабул қилинди, деб хабар бермоқда Telegram’даги «Ҳуқуқий ахборот» канали.
Қарорга кўра, Тошкент шаҳар жамоат транспорти соҳасида хусусий сектор улуши 2 баробарга оширилади. Велосипедларни ижарага бериш ва улар учун махсус турар жойлар ташкил этилади ҳамда «ақлли» чорраҳа, «ақлли» автобус ва «ақлли» бекат тизимлари жорий этилади.
Жамоат транспорти ҳаракат таркиби замонавий, экологик тоза автобуслар, жумладан, электробуслар билан янгиланади.
Қарор билан Тошкент шаҳар жамоат транспорти тизимини 2025 йилгача ривожлантириш концепцияси тасдиқланди. Концепциянинг мақсадли кўрсаткичлари доирасида:
- йўловчи ташишлар ҳажмида жамоат транспортининг улуши 21 фоиздан 43 фоизга оширилади;
- жамоат транспортида кунлик йўловчи ташиш ҳажми 2,7 миллион йўловчига етказилади;
- жамоат транспортининг ҳаракатланишидаги оралиқ вақти 2 баробарга камайтирилади;
- 1063 та автобус, 673 та электробус харид қилинади.
Маълумот учун, Тошкент шаҳри жамоат транспорти учун келгуси тўрт йил давомида 1043 та янги автобус ва электробуслар сотиб олиниши кўзда тутилган.
Мавзуга доир:
- «Мен ҳам автобусда юришни хоҳлайман». Шавкат Мирзиёев Тошкентдаги жамоат транспорти юзасидан масъул мутасаддиларни танқид қилди
- Ўзбекистонда 2022 йилда 200 та чорраҳада ҳаракатни транспорт оқимига қараб бошқариш тизими жорий этилади
- Тошкентдаги барча «маршрутка»лар транспорт карталаридан фойдаланишга ўтади
Изоҳ (0)