Ўзбекистон сўнгги йилларда хусусий сектор бошқарувидаги иқтисодий ўсиш моделида сезиларли ютуқларга эришди ва ҳозирданоқ унинг самарасини кўрмоқда, дейилади Emerging-Europe нашрининг шарҳида.
Fitch Ratings маълумотларига кўра, Ўзбекистон иқтисодиёти 2017 йилда давлатнинг иқтисодиётдаги иштирокини минималлаштириш, асосий тармоқларни либераллаштиришга қаратилган ислоҳотлар дастури жорий этилганидан бери улкан ўзгаришларга эришди.
Artel компанияси молиявий директори Бектемир Муродовнинг нашрга айтишича, экспортни ривожлантиришга қаратилган сўнгги ислоҳотлар ўзбек фирмаларига ташқи бозорда ўсишга ёрдам бермоқда.
Асосий чора сифатида 2020 йилда ҳукумат экспортга мўлжалланган товарлар учун транспорт харажатлари учун субсидия ажратишни бошлади. Бу маҳаллий ишлаб чиқарувчилар учун катта ёрдам бўлди. Биз ва бошқа фирмалар кўплаб бозорларга биринчи марта чиқмоқдамиз.
Бектемир Муродов, артел компанияси молиявий директориЎзбекистоннинг Denim тўқимачилик компанияси асосчиси Музаффар Раҳматов ўз компаниясида ижобий ўзгаришлар рўй берганини таъкидлади. Эркинлаштириш Марказий Осиё мамлакатининг Европа Иттифоқи билан иқтисодий муносабатларига ҳам ижобий таъсир кўрсатди.
Схема ривожланаётган давлатларга инсон ҳуқуқлари, меҳнат ҳуқуқлари, атроф-муҳит ва эркин бошқарув бўйича 27 хил халқаро конвенцияларни амалга ошириш эвазига импорт божларини сезиларли даражада қисқартириш имконини беради.
Ўзбекистоннинг GSP+ мақомига кўтарилиши Европа Иттифоқи билан 6000 дан ортиқ маҳсулот, жумладан, тўқимачилик маҳсулотлари учун божсиз савдо қилиш имконини берилади. Бу бизни Европа брендлари олдида янада рақобатбардош қилди.
Музаффар Раҳматов, Denim компанияси асосчисиСердаромад пахта саноатида болалар ва мажбурий меҳнатнинг бошқа шаклларига тўлиқ барҳам берилганидан сўнг, Ўзбекистон Европа Иттифоқининг Преференцияларнинг умумий схемасига (GSP+) киритилди.
Ўзбек маҳсулотларини нима мафтункор қилди
Муродовнинг сўзларига кўра, Ўзбекистонда ишлаб чиқарилаётган маҳсулотлар жозибадорлиги ортиб бораётганининг асосий сабаби мослашувчан ишчи кучи ва кучли маҳаллийлаштиришдир. Бу эса товарларни халқаро миқёсда ҳамёнбоп қилди.
Британиянинг Deloitte бухгалтерия ташкилоти, «Катта тўртлик»нинг Москва бўлими бошқарувчи директори Рустам Мухаметшин ўзбек товарлари аллақачон бу ҳолатда бўлиши кераклигини айтиб ўтди.
Бозорда меҳнат харажатлари жуда паст ва яхши ишлаб чиқариш стандартлари мавжуд. Ўзгаришлар ниҳоят савдодаги бу тўсиқларни бартараф этди. Шуни ҳам таъкидлаш керакки, ўзбек ишлаб чиқаришининг юқори маҳаллийлашуви таъминот занжири инқирози даврида жуда фойдали бўлди — дейди Мухаметшин.
Ўзбекистон экспортининг келажаги
Ушбу ўсиш тенденциясини давом эттириш учун Ўзбекистон ҳукумати либераллаштириш ва очиқликни давом эттириши жуда муҳимдир.
Президент Шавкат Мирзиёевнинг парламентдаги маърузасида аҳоли даромадларини ошириш, қўшимча иш ўринлари яратиш, ишлаб чиқаришни кўпайтириш учун янги бозорларни ўзлаштириш зарурлиги айтиб ўтилган.
Вазирликнинг таъкидлашича, Ўзбекистон бозорини янада очиқлигини таъминлаш, маҳаллий бизнесда маҳсулот сифатини яхшилаш, товарлар таннархини пасайтириш ва янги технологияларни жорий этишга мажбур қилади. Бу эса Ўзбекистонга жаҳон ишлаб чиқариш тизими, жаҳон бозори ва иқтисодий интеграция жараёнларига кириш имконини беради.
Жаҳон Савдо Ташкилоти билан музокараларни давом эттириш орқали мамлакатнинг глобал иқтисодий интеграцияни кенгайтириш мумкин. Шу билан бирга Европа Иттифоқи билан янги шериклик ва ҳамкорлик шартномасини тузиш яна бир устувор вазифадир.
Аввалроқ 2021 йил якуни бўйича ташқи савдо ҳажми 42,1 млрд долларни ташкил этгани ҳақида хабар берилган эди. Бу ундан олдинги йилга нисбатан 5,8 млрд долларга кўпроқ. Шундан 16,6 млрд доллари экспортга, 25,4 млрд доллари импортга тўғри келади. Пассив савдо баланси 8,8 млрд долларни ташкил этди.
Изоҳ (0)