«Арсенал» ҳужумчи Пьер-Эмерик Обамеянгга шартномани бекор қилгани учун қанча компенсация тўлагани маълум бўлди.
The Times хабарига кўра, Лондон клуби ҳужумчига 2023 йилнинг ёзига қадар тузилган шартномани бекор қилиш учун салкам 7 миллион фунт (8,4 миллион евро) тўлаган. Ушбу келишувга кўра, Обамеянг ҳафтасига 350 минг фунт (деярли 420 минг евро) оларди.
Қайд этилишича, «Барселона» трансфер ойнасининг сўнгги кунида Обамеянг трансферини якунлаши шарт бўлмаган, чунки у клубга эркин агент мақомида келиб қўшилган.
Каталония клубига ўтиш учун габонлик футболчи маошининг сезиларли даражада пасайишига рози бўлган. Хабар қилинишича, Обамеянг «Барселона»да ҳафтасига 5 минг евро маош олади, бироқ кейинги мавсумдан бу миқдор ошади.
Обамеянг «кўк-анорранглилар» билан 2025 йилнинг ёзига қадар мўлжалланган шартнома имзолади.
Изоҳ (0)