Профессионал боксдаги фаолиятини якунлаган Шоҳжаҳон Эргашев қисқа муддатдан сўнг Salita Promotions билан янгиланган шартнома имзолади. Бу ҳақида спортчининг ўзи Boxингсcенеъга маълум қилди.
Эргашев ўзининг қайтишини қуйидагича изоҳлади.
Ўзимни жуда илҳомланган ҳис қилмоқдаман ва рингда устунлик қилишга тайёрман. Salita Promotions билан келишувимиз иккала томон учун ҳам фойдали ва самарали бўлди, фаолиятимни давом эттиришдан мамнунман. Америкалик мухлисларимни соғиндим, яна бир бор рингда куч ва маҳоратимни ишга солиб, ажойиб нокаутлар ҳамда ҳаяжонли жанглар намойиш этишга тайёрман.Боксчи билан шартнома имзолаган Дмитрий Салита ҳам Эргашевнинг қайтганидан хурсандлигини билдирди: «Боксчидан мамнунман. Унда кучли салоҳият бор. Шоҳжаҳон Эргашевни халқаро бокс юлдузига айлантириш учун биргаликда ишлашни интиқлик билан кутяпмиз.Шоҳжаҳон Эргашев, боксчи
24 январь куни Эргашев профессионал боксдаги фаолиятини якунлаганини эълон қилганди. Унда спортчи боксни бутунлай ташламаслигини, бир кун қайтса ҳам ўзи учун қайтишини маълум қилганди.
Эргашев сўнгги жангини 2021 йилнинг декабрида ўтказиб, унда Таиланд вакили Аэккауэе Кауманени муддатидан аввал мағлуб этганди. Шоҳжаҳон Эргашев проф боксда жами 21 та жанг ўтказган ва уларнинг барчасида ғалаба қозонган. 19 та жангда рақибларини нокаут эвазига таслим қилган.
Эслатиб ўтамиз, Шоҳжаҳон 1,5 йилдан буён Salita Promotions компанияси билан судлашмоқда. Промоутерлик компанияси 2020 йил сентябрида Шоҳжаҳон Эргашевни бошқа промоутерлик компанияси томонидан ташкил этилган жангдаги иштироки ортидан судга берганди. Суд жараёни эса ҳамон давом этаётганди. Аввалроқ спортчи компания билан ярашмоқчи эканини ёзганди.