Telegram’да видеостикерлар ва бошқа янги имкониятлар пайдо бўлди

Telegram жамоаси илованинг янги версиясини тақдим қилди. Унга кўра, иловада видеостикерлар, анимациялар, қўшимча эможилар ва бошқа нарсаларда ўзгаришлар юзага келди.

Видеостикерлар

Янгиланишдан сўнг видео стикерлар кўриниши ўзгарди. Интерактив эможи сифатида ишлатиш мумкин бўлган смайликлар сони ошди. Қўшимча эможиларга эга реакциялар, кўринмайдиган реакцияларни кўриб чиқиш тугмаси, бир чатдан бошқасига ўтиш ва бошқа ўзгаришлар пайдо бўлди.

Telegram’га бошқа иловалардан стикерларни кўчириб ўтказиш мумкин бўлади. Бунинг учун ситикерларни @stickers бот орқали PNG ёки WEBP форматида жойлаштириш керак. PNG ёки WEBP формати 512х512 квадратга сиғиши, томонларидан бири 512пх, иккинчиси 512пх ёки ундан кам бўлиши керак. 

Дастурчилар Telegram’га стикерлар яратиш ва импорт қилиш мақсадида кучли иловалар яратиш учун Sticker Import API’дан фойдаланишлари мумкин.

Реакциялар ва интерактив эможилар

Реакциялар орасида анимацияга эга бўлганлари сони кўпайди. Гуруҳларда ўқилмаган хабарларга реакциялар билдирилган бўлса, ўқилган заҳоти реакциялар ишга тушади.

Интерактив эможи сифатида ишлатиш мумкин бўлган янги реакциялар қўшилди. Булар — ????. 

Бир чатдан бошқасига ўтиш

Ўқилмаган канал ёки чатлар бўйлаб иловадан фойдаланилаётган вақтда, маълум бир чатга қайтиш учун «орқага» тугмаси босиб турилса канал, чат ва группалар рўйхати ҳосил бўлади ва исталган бирига ўтиш имкони юзага келади.

«Дастурчиларимиз январь ойида икки ҳафта давомида Telegram иловаларидаги маълум муаммоларни бартараф этишга тўлиқ эътибор қаратди. Бошқа нарсалар қаторида, улар қўнғироқ сифатини яхшилашга эътибор қаратди. Instant View саҳифаларида ( iOS’даги биос) таржимани амалга ошириш, алмашиш менюсидан овозсиз хабарларни юбориш имконияти ва бошқа ўнлаб ўзгаришлар иловага қўшилди», — дейилади баёнотда.

Янгиланган версияни ҳам iOS, ҳам Android фойдаланувчилари юклаб олишлари мумкин.