Ижодда исм-шарифнинг қанчалик муҳим аҳамиятга эга эканлигини таърифлашнинг ҳожати йўқ. Шу боис ижодни бошлаётган инсон исмидан қониқмаса, жарангдор тахаллус танлайди. Келинг, бугун сизга ўзбек санъатида исмидан тахаллусини афзал билган шоу-бизнес вакиллари ҳақида маълумот берамиз.
Убайдулла Омон
Ўзбекистон халқ артисти Убайдулла Омоннинг ҳужжатдаги фамилияси Бақоев, аммо у отасининг исми билан ижод қилишни афзал кўрган.
Малика Равшанова
Хонанда Малика Равшанова эрта оламдан ўтган отасининг ёрқин хотираси учун ижодни унинг номи билан бошлашни афзал кўрган. У аввалига Малика Равшан тахаллусини танламоқчи бўлган, аммо яқинлари бу ном бироз ғализ эканлигини айтишган.
Гули Асалхўжаева, Баҳора Арслонова
Хонанда Гули Асалхўжаева ва Баҳора Арслонова ҳам негадир ўз исмлари билан танилишни исташмаган. Хонанда исмидаги баҳордан, актриса эса гулдан воз кечган. Тўғри тушундингиз, уларнинг асл исми Гулбаҳор.
Афруза
Фото: Instagram / @afruza_officiall
Ёш хонанда Афруза ҳам ижод учун исмини бироз қисқартиришга қарор қилган. Унинг асл исми Дилафрўз, аммо мухлислар уни Афруза номи билан танишади.
DJ Piligrim
Фото: Instagram / @djpiligrim
DJ Piligrim’нинг асл исми Илҳом Йўлчиев, аммо у ҳам фаолиятини жарангли ном билан бошлашни истаган.
Якзон
Шоир ва бастакор Якзоннинг ҳужжатдаги исм-шарифи Шоҳруҳ Жўраев.
СанЖай
«Мен Чеченистон халқ артистиман», дея ўзбек шоу-бизнесига кириб келган хонанда СанЖайнинг асл исми Санжар Жобердиев. Аммо рус миллатидаги яқинлари уни қисқа қилиб СанЖай дейишган. Бу кейинчалик ижодий тахаллусга айланган.
Дилсўз
Тўнғич қизи билан исм талашиб қоладиган Дилсўзнинг асл исми Гўзал Жуманиёзова. Унга Дилсўз тахаллусини илк продюсери Сардор Раҳимхон танлаган. Хонанда илк фарзандига тахаллусини исм сифатида қўйган.— Тўнғич қизим билан кўп марта исм талашиб қоламиз. Чунки Дилсўз дейишса, иккимиз ҳам бирдан жавоб берамиз, — дейди хонанда.
Мустафо
Хонанда Мустафонинг ҳам асл исми бутунлай бошқа. Уни бирор ҳужжатда Зоҳид Юсупов исм-шарифи билан кўриб қолсангиз, ҳайрон бўлманг.
Каниза
Канизанинг асл исми Шаҳризода Аҳмедова. У бувисининг исмидан тахаллус сифатида фойдаланишга қарор қилган.
Согдиана
Ҳозирги кунда Россияда ижод қилаётган ўзбекистонлик хонанда Согдиананинг асл исми Оксана Нечитайло.
Паризода
Раққоса Паризоданинг асли исм-шарифи Дилноза Сафарова. У рақсни танлашига сабабчи бўлган бувисининг тавсияси билан Паризода тахаллусини танлаган. Чунки уни болаликдан оила аъзолари Паризода деб эркалашарди.
Шаҳзода
Хонанда Шаҳзоданинг ҳужжатдаги исм-шарифи Зилола Мусаева. Шаҳзода номи эса унга продюсерлик компанияси томонидан тавсия этилган.
Алихан
Кейинги пайтларда жангари фильмларда фаол бўлиб қолган Алихоннинг асл исми Нурмуҳаммад Ҳусниддинов.
Изоҳ (0)