Хоразм вилояти Урганч туманида икки нафар киши ёнғин оқибатида вафот этди, дея хабар қилмоқда вилоят ИИБ ахборот хизмати.
Қайд этилишича, 2022 йил 27 январь куни соат 11:00 да «Чўлобод» маҳалласи ҳудудида жойлашган кўп қаватли уйларнинг қурилишида ёлланма ишчи бўлиб ишлаб келаётган, 1962 йилда туғилган Г.О. ва 1960 йилда туғилган Ғ.Э. кўп қаватли уйнинг ертўласида темир кесадиган ускунадан фойдаланаётган пайтида қисқа туташув келиб чиққан.
Оқибатда ишчиларнинг иккиси ҳам ертўлада вафот этган.
Мазкур ҳолат юзасидан Жиноят кодексининг 257-моддаси 2-қисми (меҳнатни муҳофаза қилиш қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.
Изоҳ (0)