Тошкент вилояти Оҳангарон туманида ёши, тахминан, 30-35 ларда бўлган аёл киши мурдаси топилди, дея хабар бермоқда вилоят прокуратураси.
Қайд этилишича, 27 январь куни соат тахминан 21:30 ларда Тошкент вилоятининг Оҳангарон тумани, «Гулобод» маҳалласидан Паркент тумани, Қизилтоғ қўрғонига олиб борувчи йўлда қизил рангли чамадон ичидан ёши тахминан 30-35 ларда бўлган, осиё миллатига мансуб аёл киши мурдаси қотиллик аломатлари билан топилган.
Вилоят прокуратураси хабарига кўра, мазкур ҳолат юзасидан 27 январь куни Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатилган.
Мурданинг шахсига аниқлик киритилган. Дастлабки тергов ҳаракатлари Тошкент вилояти прокуратураси томонидан олиб борилмоқда.
Эслатиб ўтамиз, 2020 йил августда Қибрайда чамадон ичидан Олий суд собиқ ходимининг жасади топилганди. Эркакни ўлдирганликда гумонланиб 2 киши қамоққа олинганди. Уларнинг бири РШТЁИМ раҳбар ходими эканлиги маълум бўлган.
Изоҳ (0)