Тошкент вилоятининг Нурафшон шаҳрида 27 ёшли ўғил онаси билан спиртли ичимлик ичиб ўтирган шахсни калтаклаб, унинг ўлимига сабабчи бўлди, деб хабар беради Тергов департаменти.
Маълум қилинишича, 17 январь куни соат 21:30 ларда 27 ёшли П.М. «Нурафшон» маҳалласида жойлашган ўзининг яшаш хонадонидаги овқатланиш хонасига кириб, шу ерда бўлган онаси Б.Д. (55 ёш) таниши Н.Р. (57 ёш) билан биргаликда спиртли ичимлик истеъмол қилиб ўтирганини кўрган. Бундан жаҳли чиққан фарзанд Н.Р. билан ўзаро жанжаллашиб, ёғоч бўлаги билан унинг чап сон қисмига ҳамда танасининг дуч келган жойларига қўли ва оёғи билан уриб, тепиб, тан жароҳати етказган.
Оқибатда Н.Р. олган тан жароҳатлари билан Нурафшон шаҳар тиббиёт бирлашмасига олиб келинган, кўрсатилган тез тиббий ёрдамга қарамай, жабрланувчи вафот этган.
Ҳолат юзасидан Нурафшон шаҳар ИИБ ҳузуридаги Тергов бўлинмаси томонидан П.М.га нисбатан Жиноят кодексининг 104-моддаси 3-қисми «д» банди (жабрланувчининг ўлишига сабаб бўлган қасддан баданга оғир шикаст етказиш) билан жиноят иши қўзғатилган. Ҳозирда тергов ҳаракатлари давом этмоқда.
Аввалроқ Бухорода маст ота ўзига танбеҳ берган 18 ёшли ўғлини пичоқлаб ўлдиргани, Самарқанддаги ташландиқ боғчада икки йигит маст ҳолатда таниш аёлни ўлдириб, жасадини ёқиб юборгани тўғрисида хабар берилганди.
Изоҳ (0)