Шавкат Мирзиёев 20 январь куни давлат активларини хусусийлаштириш борасида 2022 йилда амалга ошириладиган устувор вазифалар юзасидан видеоселектор ўтказди. Унда давлат раҳбари ноқонуний ер сотиш билан боғлиқ ҳолатларни танқид қилди, деб хабар бермоқда Президент матбуот котиби Шерзод Асадов.
Қайд этилишича, жойларда ерларни аукционга чиқариш орқали 2022 йилда 400 миллиард сўм тушумни таъминлаш режаси мутлақо қониқарсиз.
Президентнинг таъкидлашича, Тошкент вилоятида 14 гектар ер участкаси 3,5 миллион долларга ноқонуний йўллар билан сотилган.
«Бу ҳамма раҳбарларни ўйлантириши керак. Нимага бу пуллар давлатга эмас, кимларнингдир чўнтагига тушмоқда? Тасаввур қилинг, давлат қанчадан қанча пулларни йўқотмоқда! Бу пулга қанча мактаб, қанча боғча ва йўл қуриш мумкин эди. Нега шуни ҳокимлар ўйламайди?
Ваҳоланки, ушбу вилоятда ўтган йил давомида ер участкаларини сотишдан атиги 18 миллиард сўм маблағ тушган. Бу бозор нархида нари борса 5-10 гектар ернинг нархи», — дея қайд этган Шавкат Мирзиёев.
Эслатиб ўтамиз, президент йиғилишда Сирдарё вилояти ҳокими Ғофуржон Мирзаев ва Хоразм вилояти ҳокими Фарҳод Эрмановга хусусийлаштириш ишларини суст ташкил этгани учун ҳайфсан берганди.
Мавзуга доир:
- «Катта-катта ҳокимларни жавобгарликка тортсангиз, сизни ҳурмат қилишни бошлайман». Мирзиёев ер ажратишдаги коррупция ҳолатлари юзасидан бош прокурорга юзланди
- «Буни уддалай олмаган ҳоким менга керак эмас». Президент ер балансини тўғри юритиш ҳокимларнинг конституциявий мажбурияти эканини таъкидлади
- «Бунинг орқасида пора ва коррупция турибди». Шавкат Мирзиёев кадастр соҳасида мавжуд муаммолар ҳақида
Изоҳ (0)