1000 сўмлик банкнота танга шаклига ўтказилса, фойдаланишга қулай бўлади. Бу ҳақда Марказий банк раиси Мамаризо Нурмуродов 20 январь куни бўлиб ўтган матбуот анжуманида маълум қилди, деб хабар бермоқда «Дарё» мухбири.
Айтилишича, келгусида 1000 сўмлик қоғоз шаклида ёки янги банкнота кўринишида муомалага чиқарилмайди.
«1000 сўмликни қайта қоғоз шаклида чиқармоқчи эмасмиз. Биз уни аввал танга пул шаклида чиқарганмиз. Минг афсуски, аҳолимиз тангадан кам фойдаланяпти. Энг кўп қўлланиладиган пул белгиларидан бири бу — 500 ва 1000 сўмлик тангалар ҳамда 2000 сўмлик пулимиздир. Шунинг учун ҳам 1000 сўмликни тўлалигича танга шаклига ўтказмоқчимиз. Бу бир томондан муомалани ташкил қилиш билан боғлиқ харажатларини камайтирса, иккинчидан фойдаланишга жуда қулай бўлади», — деди Мамаризо Нурмуродов.
Мавзуга доир: 2024 йилда Ўзбекистонда 200 минг сўмлик купюрани муомалага чиқариш режалаштирилган — Марказий банк
«Эски купюра банкка келганидан кейин қайтиб банкдан чиқмайди. У табиий йўл билан келади ва ўрнига янги купюра муомалага киритилади. Бунда алмашиш жараёни бўлади», деди ташкилот раҳбари.
Мавзуга доир: «Пандемия шароитлари бўлмаганида, имтиёзли кредитлаш сиёсатидан воз кечган бўлар эдик» — Марказий банк раиси
Изоҳ (0)