Ўзбекистондаги ОТМларда таълим шакли 24 январдан бир ой давомида онлайн шаклда олиб борилади, дея хабар бермоқда Олий ва ўрта махсус таълим вазирлиги.
Қайд этилишича, Соғлиқни сақлаш вазирлиги ва Санитария-эпидемиологик осойишталик ва жамоат саломатлиги хизматининг таклифига асосан коронавирус инфекциясининг янги штамми болалар ва ёшлар ўртасида тарқалиши юқорилигини эътиборга олган ҳолда барча олий (давлат, нодавлат, хусусий ҳамда хорижий филиаллар) ва профессионал таълим муассасалари, академик лицейларда (барча таълим шакллари ва турлари бўйича) 2022 йилнинг 24 январидан бошлаб, бир ой муддат давомида таълим олиш тизими масофавий (онлайн) шаклда олиб борилади.
«Бунда тажрибадан келиб чиққан ҳолда онлайн таълим жараёни сифатли тарзда ташкил этилиб, барча зарур ресурслар сафарбар этилади.
Темир йўл чипталари тариф қисмидан 50 фоиз миқдорида чегирмаларини сақлаб қолиш ва 2022 йил 24 февралга қадар авиа ва темир йўл чипталарини бепул тарзда бошқа муддатга алмаштириб берилади.
Мазкур масалаларни мувофиқлаштириш мақсадида Вазирликда Махсус штаб ташкил этилган бўлиб, 21 январь соат 9:30 дан барча ташкилий масалалар юзасидан қуйидаги ишонч телефонларига (10-06, 71-246-97-45, 71-246-28-63) мурожаат қилишингиз мумкин!
Шу ўринда бугунги мураккаб вазиятдан чиқиб кетишнинг ягона йўли бу вакцинация, шу боис сизлардан ўзингиз ва яқинларингиз саломатлигини ҳимоя қилиш учун вакцинация жараёнларида фаол қатнашишингизни сўраб қоламиз.
Эпидемиологик вазиятдан келиб чиқиб, сиздан йўл чипталарини алмаштиришни бир ойлик муддат давомида қайтиш санаси аниқ бўлгандан кейин шошмасдан амалга оширишингизни сўраймиз!», – дейилади вазирлик хабарида.
Шунингдек, Президент таълим муассасалари агентлиги тизимидаги таълим муассалари ҳамда нодавлат таълим ташкилотларида ҳам дарслар бир ой давомида онлайн давом эттирилиши маълум қилинди.
Аввалроқ Ўзбекистонда мактаблар 24 январдан бошлаб бир ой давомида онлайн фаолият олиб бориши ҳақида хабар берилганди.
Изоҳ (0)