АҚШ Украинадаги «россияпараст айирмачилар»га қарши молиявий санкциялар тайёрламоқда, бу чоралар камида тўрт кишига тааллуқли бўлиши мумкин, деб ёзади The Wall Street Journal (WSJ) АҚШ расмийларига таяниб.
Ушбу чоралар Украинага қарши Россия босқининг олдини олиш учун дипломатия ва босимдан фойдаланиш тактикасининг бир қисми сифатида ишлаб чиқилмоқда, дейди нашр суҳбатдошлари. Санкциялар 20 январь куни эълон қилиниши мумкин.
Расмийларга кўра, янги санкциялар АҚШ президенти Жо Байден томонидан 2021 йилнинг апрель ойида имзоланган, «Россиянинг ташқи тажовузкорлиги»да иштирок этганларни жазолашга қаратилган фармойишига мувофиқ жорий этилмоқда. Ушбу фармон санкциялар рўйхатига киритилган шахсларнинг мол-мулкини музлатишни назарда тутади.
Мавзуга доир: Россия Украинага бостириб кирадиган бўлса, АҚШ Россияга телефон экспортини тақиқлаши мумкин
Вашингтон бир неча бор АҚШ ва иттифоқчилари Украина атрофида вазият кескинлашган тақдирда, Россияга қарши санкциялар жорий этишга тайёрлигини билдирган. Аввалроқ Оқ уй матбуот котиби Жен Псаки Россия Украинага бостириб кирган тақдирда, Вашингтон унга қарши илгари эълон қилинган санкцияларнинг бирортасини, жумладан, SWIFT банклараро маблағ ўтказиш тизимидан узиб қўйиш вариантини ҳам истисно қилмаслигини айтган.
Изоҳ (0)