Асилбек Ашуров Жиззах вилояти Пахтакор туманига ҳоким этиб тайинланди. Бу ҳақда вилоят ҳокимлиги хабар қилди.
Қайд этилишича, 19 январь куни Пахтакор туманида Халқ депутатлари туман кенгашининг навбатдан ташқари ўттиз учинчи сессияси ўтказилган. Сессияда вилоят ҳокими Эргаш Салиев, туман депутатлари, туман ҳокими ёрдамчилари, бошқарма ва ташкилот раҳбарлари, оммавий ахборот воситаси вакиллари ҳамда блогерлар иштирок этган.
Сессияда ташкилий масала кўрилган. Вилоят ҳокими Эргаш Салиев Пахтакор тумани ҳокими лавозимига Асилбек Ашуров номзодини тавсия қилган.
Депутатлар номзодни бир овоздан маъқуллаган. Янги лавозимга тайинлангунга қадар Ашуров Жиззах вилояти прокурори ўринбосари сифатида фаолият олиб бораётганди.
Эслатиб ўтамиз, Пахтакор туманининг собиқ ҳокими Шукурулло Бабаев лавозимда 2018 йилнинг 4 апрелидан буён ишлаб келаётганди.
Изоҳ (0)