Asilbek Ashurov Jizzax viloyati Paxtakor tumaniga hokim etib tayinlandi. Bu haqda viloyat hokimligi xabar qildi.
Qayd etilishicha, 19-yanvar kuni Paxtakor tumanida Xalq deputatlari tuman kengashining navbatdan tashqari o‘ttiz uchinchi sessiyasi o‘tkazilgan. Sessiyada viloyat hokimi Ergash Saliyev, tuman deputatlari, tuman hokimi yordamchilari, boshqarma va tashkilot rahbarlari, ommaviy axborot vositasi vakillari hamda blogerlar ishtirok etgan.
Sessiyada tashkiliy masala ko‘rilgan. Viloyat hokimi Ergash Saliyev Paxtakor tumani hokimi lavozimiga Asilbek Ashurov nomzodini tavsiya qilgan.
Deputatlar nomzodni bir ovozdan ma’qullagan. Yangi lavozimga tayinlangunga qadar Ashurov Jizzax viloyati prokurori o‘rinbosari sifatida faoliyat olib borayotgandi.
Eslatib o‘tamiz, Paxtakor tumanining sobiq hokimi Shukurullo Babayev lavozimda 2018-yilning 4-aprelidan buyon ishlab kelayotgandi.
Izoh (0)