Тошкент шаҳрида жойлашган «Пойтахт» бизнес мажмуаси, «Малика» савдо мажмуаси, «Белдирсой оромгоҳи» ҳамда «No’kis винозаводи» АЖ сотилди, деб хабар бермоқда Давлат активларини бошқариш агентлиги.
Тегишли хусусийлаштириш дастурига кўра, «Нўкис винозаводи» АЖ устав капиталидаги 51,0 фоиз улушни хусусийлаштириш кўзда тутилган.
Шунга кўра, Ўзбекистон Республикаси Давлат активларини бошқариш агентлиги ҳузуридаги UzAssets инвестиция компанияси мазкур жамият устав капиталидаги акция пакетини Қаратаw саwда базаси МЧЖга 17,5 миллиард сўм харид қиймати ҳамда 3,4 миллион доллар миқдорида инвестиция киритиш шарти билан сотилгани тўғрисида баёнот берди.
Шунингдек, Давлат тендер комиссиясининг тегишли қарорига мувофиқ қуйидаги давлат кўчмас мулк объектларининг оммавий савдо жараёнлари ғолиблари белгиланди.
Пойтахт бизнес мажмуаси МЧЖ мулкий мажмуаси бўйича савдоларда Quadro IH DMCC (БАА) компанияси 164,0 миллиард сўм харид қийматини бир йўла тўлаш ҳамда таъмирлаш-тиклаш ишлари учун 6,0 миллион доллардан кам бўлмаган миқдорда инвестиция киритиш шарти билан;
«Малика» савдо ва маиший хизмат кўрсатиш мажмуаси бўйича савдоларда Premium Prime Service МЧЖ 125,0 миллиард сўм харид қийматини бир йўла тўлаш ҳамда таъмирлаш-тиклаш ишлари учун 100,0 миллиард сўм миқдорида инвестиция киритиш ва 250 та янги иш ўринларини яратиш шарти билан;
«Белдирсой оромгоҳи» дам олиш маскани (Канат йўли билан бирга) бўйича савдоларда «Улкан Мулк» МЧЖ 107,0 миллиард сўм харид қийматини бир йўла тўлаш шарти билан савдо ғолиби деб топилган.
Таъкидланишича, «Чорвоқ» туристик-рекреацион зонаси дирекцияси ҳудудида лойиҳалар дирекция билан келишилган ҳолда амалга оширилади. Шунингдек, дарахт ва буталарнинг кесилишига жорий этилган мораторий талабларига риоя қилинади.
Изоҳ (0)