Канадалик жуфтлик мушуклари туфайли янги блендердан фойдалана олмаяпти. Жониворлар қутини эгаллаб олган (фото)

Канаданинг Ванкувер оролида яшовчи Жессика ва Никки Герсон-Нивс 2021 йил декабрь ойида янги блендер сотиб олди. Жуфтлик харид қилинган буюмни очишга шошилмади. Шунингдек, улар блендер қутисини бир неча лаҳзага ошхона полида қолдириб, катта хатога йўл қўяётганини билмаганди ҳам, деб ёзади Esquire.

Жессиканинг сўзларига кўра, у блендерни очгани борганида, уларнинг тўрт ёшли мушуги Макс қути устида ўтирганини кўради. У буни гўзал манзара деб ўйлади ва мушукка тегмади, натижада мушук қути устида бир неча соат ўтирди.

Бироқ қути кейинчалик бошқа Жорж ва Лендо Калриссиан исмли мушукларни ҳам ўзига тортди.

Бир пайт улар том маънода қутига ўтириш учун кураша бошлади.

Натижада, эр-хотин бу можарони ҳужжатлаштириш мақсадида Facebook’да Temperamental Chucklefuck ва Friends саҳифасини очди. Бир ой ичида ушбу гуруҳ 44 000 нафар обуначи тўплади.

Вақт ўтиши билан блендерни ишлаб чиқарувчи компания вакиллари мушукларга эътибор қаратди. Улар Жессика ва Никкига бошқа бўш блендер қутисини юборишди.

Бироқ мушуклар уларни ҳам эгаллаб олишди.

Шу билан бирга, Макс ҳамон асосий блендер қутисидан жой олган.

Герсон-Нивс мушукларнинг сурати билан бўлишишда давом этмоқда.

Кейинчалик учинчи қути ҳам пайдо бўлди, аммо мушуклар блендерни қўриқлашда давом этмоқда.