Саудия Арабистонининг шимоли-ғарбий қисмидаги Табук вилоятида қор ёғиб, Жабал Лауз тоғининг юқори қисмини қоплаган.
Ушбу сурат Халқаро коммуникация маркази (CIC) томонидан эълон қилинган. The National News порталида таъкидланишича, манзарани томоша қилиш учун минглаб одамлар келаётгани учун бу ҳудудга олиб борувчи йўллар ҳукумат томонидан тўсиб қўйилган.
Яқин кунларда ўша ҳудуддаги ҳаво ҳарорати янада пасайиши ва кўпроқ қор ёғиши кутилмоқда. Аҳоли қор ёғиши оқибатида йўлларда келиб чиқиши мумкин бўлган вазиятларда огоҳ бўлишга чақирилган.
Маълумот учун, Саудия Арабистонида қор 2021 йилда ёғган. Январь охирида Марокаш ва Жазоирда, февраль охирида эса 50 йилдан буён илк бор Табукда ҳам қор ёғиши кузатилган. Бунга қадар мамлакатда кучли қор 2018 йилда ёғган. Унда маҳаллий аҳоли ва туристлар қор ўйлаб, чана учган.
Изоҳ (0)