Instagram: Янги уй ва янги машинали бўлган Каниза, Сардор Мамадалиев ва Юсуфхон Нурматов жанжали, операция қилинган Руҳшона

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Турк актрисаси Неслиҳан Атагул фолловерларига янги сурат билан кўриниш берди.

АҚШда яшовчи ўзбек актрисаси Гулчеҳра Эшонқулова ўғли Амирбекнинг бешта тилни ўзлаштиргани ҳақида видео тайёрлади.

Санъатни тарк этган актриса ва хонанда Феруза Каримова турмуш қурганининг 5 йиллигини нишонламоқда.

Хонанда Руҳшона туғуруқдан кейинги қорин осилиш ҳолатини пластик операция ёрдамида бартараф этишга қарор қилди.

Коронавирусга чалинган хонанда Лола мухлисларига қўллаб-қувватлаётганлари учун миннатдорлик билдирди.

Марям Тиллаева орадан салкам 10 йил ўтиб холаваччаси Имон билан кўришганидан мамнун эканлиги ҳақида сўзлаб, уларга гаплашишни оналари тақиқлаганини ҳам айтиб ўтди.

«Оналаримиз гаплашмай қўйганида, улар бизга ҳам гаплашишни тақиқлашган. Менга бунинг сабабини тушунтиришмаган», — дейди Марям.

Хонанда Каниза учун 2022 йил омадли бошланди. У янги йилнинг илк ойидаёқ янги уй ва янги машина сотиб олишга улгурди.

Нилуфар Усмонова янги сурати изоҳида аёл Яратган томонидан нозик хилқат қилиб яратилгани ҳақидаги фикрлари билан ўртоқлашди.

Актёр Азамат Аҳроров отасининг туғилган кунига Gentra автомобилини совға қилди.

Актёр Азиз Умрзоқов бир лаган ош суратини саҳифасига жойлаштириб, ҳаммага ёқимли иштаҳа тилади.

Instagram’да Юсуфхон Нурматовнинг Сардор Мамадалиев ҳақида билдирган кескин фикрлари акс этган видео тарқалмоқда. Юсуфхон Нурматов бир ярим йил олдин «The Cover Up Kids» лойиҳасида иштирокчилардан бирига Сардор Мамадалиевдан миллион баробар зўр одамлар борлигини, қўшиқ куйлашни биладиган болага ушбу хонанданинг кумири бўлиш уятлигини таъкидлаган.

Шундан сўнг Сардор Мадамадалиев Юсуфхон Нурматовнинг отаси Мусахон Нурматов билан анча йилдан бери бирга ижод қилишини айтди. Улар бирга ижодни бошлаган пайти Юсуфхон ҳали ёш бола бўлганини таъкидлади. Хонанданинг сўзларига кўра, Мусахон Нурматов ижод билан бўлиб, фарзанд тарбиясига вақт ажрата олмаган.

«Мен ҳақимда фикр билдирган болача устоз санъаткоримиз Мусахон Нурматовнинг фарзанди. Мусахон ака билан ишлаб, ижод қилиб юрганимизда бу бола пемперс кийиб юрарди, мана бугун катта бола бўлиб ўз фикрини билдиряпти. Менимча, устозимиз ижод билан бўлиб фарзанд тарбиясига вақт ажратмаган, шекилли. Майли, шу фикрлар учун ҳам Аллоҳ рози бўлсин. Ман бу укахонимизга фақат омад тилайман! Оббо, тиниб-тинчимаган одамлар-эй», — дейди хонанда.

17 январь санасида актриса ва дизайнер Шаҳзода Муҳаммедованинг турмуш ўртоғи Марат Ҳамдамов туғилган кунини нишонламоқда. Актриса турмуш ўртоғига романтик совға тайёрлади.

Юлдуз Усмонова хусусий клиникасида бўлиб, у ерда яратилган шароитлар билан мухлисларини таништирди. Клиника тез кунда иш бошлаши айтилмоқда.