Forbes журнали россиялик етти ёшли Настя Радзинскаяни дунёдаги энг кўп маош олувчи YouTube блогерлари ўнлигига киритди, деб ёзади Esquire.
Like Nastya YouTube канали туфайли қиз 2021 йилда 28 миллион доллар ишлаб топди. Радзинская Forbes рейтингида олтинчи ўринни эгаллади. У 2021 йили 18,5 миллион доллар даромад билан еттинчи ўринни эгаллаган эди.
Like Nastya канали ҳозирда 85,7 миллион обуначига эга. Қизнинг ота-онаси Юрий ва Анна Радзинскийлар Forbes нашрига қизининг ўсиши учун блог очганликларини маълум қилган.
Ота-онасининг сўзларига кўра, Настя дунёга келганида шифокорлар унга мия фалажининг оғир шакли ташхисини қўйган. «Бизга Настя юрмайди ва гапирмайди, деб айтишди», — деб эслайди Анна.
Ота-она бор вақтини қизига бағишлай бошлади ва икки ёшга келиб қиз меъёрида ривожланаётгани маълум бўлди. Настянинг онаси қизини суратга олишга қарор қилди ва натижани яхшилаш учун актёрлик маҳорати билан ишлади. «Ёки даволаниш ва бизнинг севгимиз ёрдам берди ёки шифокорлар ташхисда хато қилди», — дея қўшимча қилди Радзинская.
Жимми Дональдсон (MrBeast) Forbes рейтингида 54 миллион доллар билан биринчи ўринни эгаллади. Иккинчи ўринни 45 миллион доллар билан Жейк Пол, учинчи ўриндан 38 миллион доллар билан Марк Фишбах (Markiplier) жой олди.
Рўйхатдаги яна бир бола, олдинги икки йил давомида биринчи ўринни эгаллаган техаслик 10 ёшли Райан Кажи (Ryan’s World) еттинчи ўринга тушиб кетди. 2021 йилда у 27 миллион доллар ишлаб топган.
Мавзуга доир:
Изоҳ (0)