Ўзбекистонда 3-чоракдан жисмоний тарбия фани барча мактабларда ҳафтасига икки соатдан ўтилади, деб хабар бермоқда Халқ таълими вазирлиги.
Қайд этилишича, 2020—2021-ўқув йилидан бошлаб спорт зали мавжуд бўлмаган умумий ўрта таълим муассасаларида қишки даврда ўтиладиган жисмоний тарбия фани дарси ўқув соатларини 10 ҳафта давомида 5—10-синфларда ҳафтасига 2 соатдан 1 соатгача камайтирилган эди.
11 январь куни тартибни бекор қилиш ҳамда мактабларда жисмоний тарбия фани ўқитилиши жараёнларини такомиллаштириш тўғрисида халқ таълими вазирининг буйруғи имзоланган.
Унга кўра, ўқувчиларда жисмоний тарбия ва оммавий спорт билан мунтазам шуғулланиш, соғлом турмуш тарзи бўйича ҳаётий кўникмаларни шакллантириш мақсадида умумтаълим мактабларида қишки даврда ҳам фан барча синфларда ҳафтада 2 соатдан ўқитилади.
Ҳозирда Ўзбекистондаги 2245 та мактабда спорт зали мавжуд эмас.
Эслатиб ўтамиз, Ўзбекистондаги мактабларда ҳам қишки таътил 24 январгача давом этади. 3-чорак 25 январдан бошланади.
Мавзуга доир:
- «Тошкентда шундай бўлса, Қорақалпоғистонда қандай?» — Шавкат Мирзиёев мактаб ошхоналари ҳақида
- Шаҳрисабздаги мактаб ўқувчиларига жисмоний тарбия дарси поли чириб кетган спортзалда ўтилди
- Ўзбекистондаги барча мактабларда шахмат синфлари очилади, 150 та ихтисослаштирилган шахмат мактаби ташкил этилади
Изоҳ (0)