Тони Кроос фаолиятини қайси клубда якунламоқчи эканлигини айтди

«Реал» футболчиси Тони Кроос келажаги билан боғлиқ саволларга жавоб берди.

Германиялик футболчи AS’га берган интервьюсида фаолиятини «қаймоқранглилар» сафида якунлашни мақсад қилганини айтиб ўтди.

«Реал» билан шартномани узайтириш ҳақида

Клуб мен учун ва мен клуб учун қандай аҳамиятга эга эканлигимизни яхши биламиз. Қайсидир паллаларда биз бунга биргаликда ёндашамиз. Ишонч — энг муҳими. Мен ҳамон ўзимни яхши ҳис қилмоқдаман, лекин баъзи нарсалар бўлиши кутилмоқда. Аввало, жамоа ва менинг даражам бир-бирига мос келиши керак. Иккинчидан, жисмоний ҳолатим нормал бўлиши лозим. Учинчидан, менинг ҳам хоҳишим бўлиши керак. Барчаси мос келганидан сўнг, биз гаплашишимиз мумкин. Амалдаги шартномам 2023 йилда ўз якунига етади. Фаолиятимни «Мадрид»да тугатмоқчиман ва шундай бўлади ҳам. Бутун диққатимни ушбу жамоага қаратганман. Мадридда саккизинчи мавсумимни ўтказяпман ва бу қойилмақом муносабат.

Килиан Мбаппе ва Эрлинг Ҳоланднинг «Реал»га ўтиш эҳтимоли ҳақида

Жамоа ичида ҳеч қандай муаммо йўқ. Саккиз йилдан буён шу ерда бўлсам, жамоага келмаган қанча футболчилар ҳақида миш-мишлар эшитдим. Иккала футболчи ҳақида гапираётганда уларнинг шартномалари, сифатлари ва жамоалардаги вазияти ҳақида ҳам эслаб ўтиш лозим. Иккаласи ҳам келаётган ёзда трансферлар бозорида энг харидоргир бўлиши кутилаётган футболчилар. «Реал» доим энг яхшиларини излайди, Мбаппе ва Ҳоланд бунга мос келади. Улар келадими-йўқми аниқ айта олмайман, чунки мен президент эмасман.

Чемпионлар Лигаси доирасида «ПСЖ»га қарши баҳс ҳақида

Биз буни одатдагидек қабул қиламиз. Албатта, бундай учрашувлар ярим финал ёки финалда бўлиб ўтиши керак эди. Бундай рақиб билан балки плей-оффда эрта дуч келаётгандирмиз, лекин яхши формада ва жароҳатларсиз етиб оламиз деб умид қиламан. Агар шундай бўлса, биз «ПСЖ»га қарши ўйинга тайёрмиз.

Германия терма жамоасидаги фаолиятини якунлаш ва Жаҳон Чемпионатини ўтказиб юбориши ҳақида

Хаёлимга биринчи келган ўй — Жаҳон Чемпионати вақтида нима қилиш ҳақида бўлди. Мен узоқ муддатли қишки таътилга (2022 йилги мундиал қишда бўлиб ўтади — «Дарё») ўрганмаганман ва терма жамоа билан бирга бўлмайман. Аммо дам олиш учун яхши жой топа оламан. Терма жамоани соғинишим мумкин, лекин у ерга қайтиш учун ҳеч қандай сабаб йўқ.

Катта мусобақаларда барчаси мужассам бўлади: бутун жамоанинг бир мақсад йўлида курашиши, Германиянинг сенинг ортингда туриши ва сен ажойиб ҳисларни туясан. Ушбу ҳиссиётларни мусобақа вақтида мухлислар билан бўлишишинг. Бу ҳар доим ўзига хос бир нарса эди. Балки, Жаҳон Чемпионати вақтида ушбу ҳисларни қайта туйиш учун қайсидир ўйинга борарман.

Тони Кроос, «Реал Мадрид» футболчиси