«Челси» ҳужумчи Ромелу Лукакуни сотиб юборишга тайёр, деб хабар беради El Nacional.
Манба берган хабарга кўра, клуб хўжайини Роман Абрамович футболчининг сўнгги интервьюсидан дарғазаб. Лукаку ўша интервьюсида жамоадаги вазиятдан норозилигини билдирган ва «Интер»га қайтиш истаги борлиги ҳақида гапирган, ҳатто ижтимоий тармоқдаги саҳифасига Милан клуби футболчиси эканини ёзиб қолдирганди. Шундан сўнг бельгиялик бу қилмиши учун узр сўради, бироқ Абрамович ҳамон уни сотиш ҳақида ўйлаяпти.
Ҳозирда футболчига «ПСЖ» қизиқиш билдирмоқда. Нашрнинг ёзишича, парижликлар Ромелу учун 90 миллион евро тўлашга тайёр. «Челси» футболчи учун сарфланган пулнинг катта қисмини қопланса, уни сотиши мумкин.
Маълумот учун, Лукаку 2021 йилнинг ёзида «Интер»дан 115 миллион эвазига кўчиб ўтганди. 28 ёшли футболчи 2021/22 йилги мавсумда барча мусобақалар доирасида 20 та ўйин ўтказиб, 8 та гол ва 2 та голли узатмага муаллифлик қилди. Унинг «аристократлар» билан имзолаган шартномаси 2026 йилнинг ёзига қадар амал қилади.
Изоҳ (0)