«Барселона» ҳимоячи Самюуэль Умтити билан ҳамкорлик давом эттирилишини эълон қилди.
Каталония клуби 28 ёшли франциялик футболчи билан 2022/23 йилги мавсум охирига қадар мўлжалланган шартномани 2026 йилнинг ёзига қадар узайтирди. Янги келишув доирасида футболчи қолган бир ярим йил учун шартномада кўрсатилган маошининг пасайишига рози бўлган.
Аввалроқ Умтитининг «Барсселона»да йилига солиқларгача 20 миллион евро олаётгани ҳақида хабар берилганди.
«Барселона» ҳимоячига бу қадами ва клубга бўлган меҳри учун миннатдорчилик билдирди. Ушбу келишув натижасида маошлар ведомости қисқаришига ва қишда «Манчестер Сити»дан сотиб олинган ярим ҳимоячи Ферран Торресни рўйхатдан ўтказиш ҳуқуқига эга бўлди.
Аввалроқ каталонлар Торресни рўйхатдан ўтказиш учун Серхио Робертонинг маошини пасайтирмоқчи эканлиги айтилганди.
Маълумот учун, Умтити жорий мавсумда Ла Лигада атиги 1 та ўйин ўтказди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)