Бугун,

  • USD 10940.05
  • RUB 182.26
  • EUR 11121.65

Самарқанд вилоятида 0,25 гектар ерни 24 минг долларга сотмоқчи бўлган Давлат кадастрлар палатаси Жомбой туман филиали ходими қўлга олинди. Бу ҳақида «Дарё»га вилоят ИИБ ахборот хизмати маълум қилди.

Фото: Самарқанд вилояти ИИБ ахборот хизмати

Фото: Самарқанд вилояти ИИБ ахборот хизмати

Маълум қилинишича, Самарқанд вилоят ИИБ бошлиғи номига Самарқанд тумани «Қайнама» маҳалласида яшовчи фуқаро ариза билан мурожаат қилиб, Жомбой тумани Қораки қишлоғида яшовчи Б.Н. (1999 йилда туғилган) туман ҳокимлиги захирасида бўлган 0,25 гектар бўш ер майдонини жами 23 минг долларга сотаётганини билдирган. Қонунбузар ушбу ер майдонини туман кадастр хизматида ишловчи Ж. исмли шахс орқали кадастр бўлимининг компьютер базасига унга тегишли экани тўғрисида маълумот киритиб бериш учун ариза муаллифидан яна 1000 доллар — жами 24 минг доллар миқдорида пул талаб қилган.

Мазкур аризага асосан 7 январь куни Самарқанд вилояти ИИБ ЖҚБ Коррупция ва иқтисодий жиноятларга қарши курашиш бўлими ҳамда ДХХ Самарқанд вилоят бошқармаси ходимлари ҳамкорлигида Жомбой туманида тезкор тадбир ўтказилган. Тадбир давомида Б.Н. ва Кадастр агентлиги Давлат кадастрлар палатаси Жомбой туман филиалида ишловчи Ў.Ж. ариза муаллифидан 24 минг долларни олган вақтда ашёвий далиллар билан қўлга олинган.

Мазкур ҳолат юзасидан Самарқанд вилоят ИИБ ҳузуридаги Тергов бошқармаси томонидан Жиноят кодексининг 168-моддаси (фирибгарлик) 4-қисми билан жиноят иши қўзғатилган.

Аввалроқ Тошкент вилоятида 13,7 гектар ерни 3,4 млн долларга сотмоқчи бўлган инвестициялар ва ташқи савдо бошқармаси ходими ушлангани, Тошкентда ерни ноқонуний олиб бермоқчи бўлган хонанда ДХХ томонидан қўлга олингани тўғрисида хабар берилганди.

Изоҳ
Асосий янгиликлар