Европадаги энг кекса оқ айиқ 37 ёшида вафот этди. Бу ҳақида Берлин ҳайвонот боғининг сайти орқали хабар берилган, деб ёзади Esquire.

Маълум бўлишича, анчадан буён юрак касаллиги безовта қилган Катюша лақабли айиқни ветеринарлар бир неча йилдан буён даволаб келган.

«Сўнгги бир неча йил мобайнида биз унга жуда эътибор билан ғамхўрлик қилдик. Ветеринарнинг парвариши ва кундалик дорилар қабул қилгани сабаб ҳам Катюша шундай улуғ ёшга етиб борди. Ўзининг сўнгги туғилган куни, ноябрда ҳатто бутун балиқли тортни паққос туширган», — деган ҳайвонот боғи раҳбари Андреас Книрим.

37 айиқлар орасидаги энг кекса ёшлардан ҳисобланади. Қайд қилинишича, ёввойи табиатда ушбу ҳайвонларнинг умр давомийлиги 25—30 йилни ташкил қилади, уларнинг аксарияти эса ҳатто 20 ёшгача ҳам бормайди. Катюша 1984 йил, Германиянинг Карлсуэ шаҳрида дунёга келган. Бир йил ўтганидан кейин у Берлиндаги ҳайвонот боғига олиб кетилган. У ўзидан насл қолдирмаган, шу сабаб ҳам эндиликда Берлин ҳайвонот боғида оқ айиқдан бошқа қолмаган.

Аввалроқ АҚШда айиқ, пума ва икки кийик тунда аҳоли яшовчи уйларнинг бирига ташриф буюргани ҳақида хабар берилганди.