Ота-оналар вояга етаётган фарзандига нималарни мустақил бажаришни ўргатиши кераклиги ҳақида «Домашний очаг» нашри маълумот бериб ўтади.
Кир кийимларни ажратиш
Фарзандингизга шкафдан кийимларни олиб, ранги ва қанчалик кирланганига қараб ажратишни, кейин эса кир ювадиган машина ичига солишни ўргатинг. 12-13 ёш болалар бу вазифани уддалай олиши аниқ.
Маблағни назорат қилиш
Ота-оналар фарзандларига арзимаган харажатларга ҳам масъулият билан қарашни ўргатиши керак. Бола пул осмондан тушмаслиги, уни пешона тери эвазига ишлаб топилишини англаши керак. Оила учун керакли кичик буюм ёки маҳсулотларни харид қилиш учун болангизни дўконга юборинг. Ўзи мустақил танлов қилиши, шу билан бирга,
маблағни ҳисоб-китоб асносида сарфлашига қўйиб беринг.
Оддий таомларни тайёрлаш
Нонушта учун бўтқа, тамадди қилиш учун бутерброд тайёрлаш, шунингдек чой дамлаш қийин эмас, шундай эмасми? Фарзандингиз шундай осон юмушларни ўзи бажара олсин. Дўконга борганда ўзи учун севимли бўлган таомга керак бўладиган маҳсулотларни сотиб олишни эслатинг.
Уй вазифаларни бажариш
Назорат қилмаган тақдирингизда ҳам фарзандингиз уй вазифаларини доимий равишда бажаришни одат қилсин. Машқларни бажариш, шеър ёдлаш ва сурат чизишни мустақил бажарсин. Ҳамма нарсани фарзандингиз учун қилиб берсангиз, келажакда унинг қарор қабул қилиши ва режа тузиши қийин кечиши мумкин. Шу сабаб ҳам йўл-йўриқ кўрсатган тақдирингизда ҳам болангиз қилиши керак бўлган вазифани у учун бажариб берманг.
Катталар билан хушмуомала мулоқот қилиш
Ўқитувчи, қўшнилар, дўстининг ота-онаси — умуман фарзандингизга нафақат тенгдошлари балки атрофдаги ҳар бир одамга хушмуомала бўлишга ўргатинг. Шунда ўсмир ёшига етганда одамлар билан чиқишиши ва мулоқотга киришиши осон бўлади.
Фавқулодда ҳолатларда қандай йўл тутиш кераклиги
Турли вазиятларда бола полиция, тез ёрдам ва ўт ўчириш хизматига қўнғироқ қилишни, зарур бўлганда биринчи ёрдам кўрсатиш учун дори қутичасини топиш кераклигини билиши керак.
Транспорт воситасидан фойдаланиш
Фарзандингизга жамоат транспортидан фойдаланишни, йўлни хавфсиз кесиб ўтишни, телефондаги харитадан фойдаланишни ўргатинг.
Миннатдорлик билдириш
Официант, боғбон ким бўлишидан қатъи назар, ҳаммага хизмати учун миннатдорлик билдиришга одатлансин. Эрталаб мустақил уйғониш ортиқча қийинчилик талаб қилмайди. Керак вақтда уйғониш кераклигини болангизнинг ўзи билиши ва шунга қараб уйқудан ўз вақтида туриши муҳим саналади. Бу масъулиятли бўлишни ўрганишига ҳисса қўшади.
Уйларни йиғиштириш
Уй билан боғлиқ мажбурият болага ҳам уйга ҳам фойда келтириши мумкин. Бу масъулиятли бўлиш ва керакли кўникмаларни ўзлаштириш учун энг яхши усул ҳисобланади.
Изоҳ (0)