Байрам шукуҳини ҳис қилиш учун нафақат образга эътибор бериш, балки уй ёки офисни ҳам ўзига хос тарзда ясатиш лозим.
Арча
Нафақат либослар, балки безаклар билан боғлиқ ўзига хос трендлар ҳам бўлади. Қизил ва тилларанг бу борада етакчилик қилса, оқ ва оч ранглар ҳам тобора машҳурликка эришиб бормоқда.
Қолаверса, рангли чироқларнинг ўзи билангина безатилган арча ҳам ўзига хос кўринишига шубҳа йўқ.
Чироқлар
Айни вақтда арчани ичидан нур таралиб, ёритиб турадиган чироқлар трендда. Бунга эришиш учун метри анча узун бўлган рангли чироқларни арчанинг ҳар бир шохига битталаб ўраб чиқиш керак.
Безаклар
Гулдонга солинган шохлар, саватчага жойланган композиция, бошқа ялтироқ шакллар ва безаклар байрам кайфиятини бахш этиши аниқ.
Гулчамбар
Арча шохларидан ясалган ва эшикка илинадиган гулчамбарсиз байрам безагини тўлиқ деб бўлмайди. Уни ўз қўлингиз билан ясашингиз, ўзига хослик қўшиш учун эса арча ғуддаси (шишка), тасма ва ўйинчоқлар билан бойицангиз бўлади.
Ноодатий безаклар
Агар ортиқча пул сарфлашни истамасангиз, қуритилган апельсин, гул ва арча ғуддаси билан ўзига хос безаклардан фойдаланишингиз мумкин.
Изоҳ (0)