БААнинг Дубай шаҳрида 27 декабрь, душанба куни Globe Soccer Awards—2021 маросими бўлиб ўтди. Унда турли номинациялар бўйича 2021 йилнинг энг яхшилари аниқланди.
Унга кўра «ПСЖ» ва Франция терма жамоаси ҳужумчиси йилнинг энг яхши ҳужумчиси деб топилди. Мбаппе 2021 йилда клуби билан Лига 1 да, терма жамоа билан Миллатлар Лигасида ғолиб чиқди.
«Бавария» ва Польша терма жамоаси ҳужумчиси Роберт Левандовски эса йилнинг энг яхши тўпурарига топшириладиган «Марадона соврини»ни қўлга киритди — 69 та гол. Шунингдек, Левандовски ТикТок обуначилари талқинига кўра йилнинг энг яхши футболчиси деб топилди.
Барча даврларнинг энг яхши тўпурари соврини эса Криштиану Роналдуга («Манчестер Юнайтед», Португалия) топширилди. У аввалроқ Пеленинг рекордини янгилаганди.
Бундан ташқари, маросим давомида қуйидаги номинациялар бўйича ғолиблар аниқланди:
- Йилнинг энг яхши дарвозабони — Жанлуижи Доннарумма («ПСЖ», Италия терма жамоаси);
- Йилнинг энг яхши ҳимоячиси — Леонардо Бонуччи («Ювентус», Италия);
- Йилнинг энг яхши мураббийи — Роберто Манчини (Италия);
- Йилнинг энг яхши терма жамоаси — Италия;
- Йилнинг энг яхши клуби — «Челси»;
- Йилнинг энг яхши спорт директори — Чики Бегиристайн («Манчестер Сити»);
- Йилнинг энг яхши агенти — Федерико Пасторелл.
Изоҳ (0)