BAAning Dubay shahrida 27-dekabr, dushanba kuni Globe Soccer Awards—2021 marosimi bo‘lib o‘tdi. Unda turli nominatsiyalar bo‘yicha 2021-yilning eng yaxshilari aniqlandi.
Unga ko‘ra “PSJ” va Fransiya terma jamoasi hujumchisi yilning eng yaxshi hujumchisi deb topildi. Mbappe 2021-yilda klubi bilan Liga 1 da, terma jamoa bilan Millatlar Ligasida g‘olib chiqdi.
“Bavariya” va Polsha terma jamoasi hujumchisi Robert Levandovski esa yilning eng yaxshi to‘purariga topshiriladigan “Maradona sovrini”ni qo‘lga kiritdi — 69 ta gol. Shuningdek, Levandovski TikTok obunachilari talqiniga ko‘ra yilning eng yaxshi futbolchisi deb topildi.
Barcha davrlarning eng yaxshi to‘purari sovrini esa Krishtianu Ronalduga (“Manchester Yunayted”, Portugaliya) topshirildi. U avvalroq Pelening rekordini yangilagandi.
Bundan tashqari, marosim davomida quyidagi nominatsiyalar bo‘yicha g‘oliblar aniqlandi:
- Yilning eng yaxshi darvozaboni — Janluiji Donnarumma (“PSJ”, Italiya terma jamoasi);
- Yilning eng yaxshi himoyachisi — Leonardo Bonuchchi (“Yuventus”, Italiya);
- Yilning eng yaxshi murabbiyi — Roberto Manchini (Italiya);
- Yilning eng yaxshi terma jamoasi — Italiya;
- Yilning eng yaxshi klubi — “Chelsi”;
- Yilning eng yaxshi sport direktori — Chiki Begiristayn (“Manchester Siti”);
- Yilning eng yaxshi agenti — Federiko Pastorell.
Izoh (0)