Футбол бўйича Англия чемпионатининг 19-туридан ўрин олган бир қатор учрашувлар 26 декабрь, якшанба куни бўлиб ўтди.
«Манчестер Сити» ўз уйида «Лестер»ни қабул қилди. Биринчи бўлимда «шаҳарликлар» Кевин де Брюйне, Риёд Маҳрез, Илкай Гундўған ва Раҳим Стерлингнинг голлари эвазига олдинга ўтиб олди. Иккинчи бўлим аввалида «тулкилар» бунга учта тўп билан жавоб қайтарди. Бироқ майдон эгалари Аймерик Ляпорт ва Стерлинг урган голлар эвазига ҳисобни йирик кўринишда сақлаб қолди.
Ушбу ғалабадан кейин пешқадам «Манчестер Сити» биринчи даврани 47 очко билан якунлади. «Лестер» (22) 10-поғонадан жой олган.
«Арсенал» сафарда «Норвич»га қарши баҳс юритди ва рақибига жавобсиз бешта гол урди. Лондонликлар сафида Букайо Сака дубль қайд этган бўлса, Киран Тирни, Александер Ляказетт ва Эмиль Смит-Роу биттадан голга муаллиф бўлди.
«Тоттенҳэм» эса бир ўйинчи кам бўлиб ўйнаган «Кристал Пэлас»га имкон қолдирмади. Ҳарри Кейн, Лукас Моура ва Сон Ҳён Миннинг голлари «шпорлар»га йирик ҳисобдаги ғалабани тақдим этди.
«Арсенал» 35 очко билан 4-ўринда бормоқда, учта захира ўйинига эга «Тоттенҳэм» (29) 5-поғонани банд этган.
АПЛ
19-тур баҳслари
26 декабрь, якшанба
«Манчестер Сити» — «Лестер» 6:3
Голлар: 1:0 – 5 де Брюйне, 2:0 – 14, пенальти Маҳрез, 3:0 – 21 Гундўған, 4:0 – 25, пенальти Стерлинг, 4:1 – 55 Мэддисон, 4:2 – 59 Лукман, 4:3 – 65 Ихеаначо, 5:3 – 69 Ляпорт, 6:3 – 87 Стерлинг.«Манчестер Сити»: Эдерсон, Жоау Канселу, Ляпорт, Рубен Диаш, Зинченко, Фернандиньо, Гундўған, де Брюйне (Фоден, 71), Бернарду Сильва, Стерлинг, Маҳрез.
«Лестер»: Шмейхель, Вестергор, Амарти, Томас, Тилеманс (Чоудури, 71), Мэддисон, Дюзбери-Ҳолл, Олбрайтон, Перес (Кастань, 46), Ихеаначо, Лукман.
Огоҳлантиришлар: Вестергор (45), Мэддисон (75), Фернандиньо (90).
«Норвич» — «Арсенал» 0:5
Голлар: 0:1 – 6 Сака, 0:2 – 44 Тирни, 0:3 – 67 Сака, 0:4 – 84, пенальти Ляказетт, 0:5 – 90 Смит-Роу.«Норвич»: Ганн, Ааронс, Гибсон, Кабак, Уильямс, Плахета (Солис, 75), Маклин, Дауэлл (Ле-Мелу, 66), Гилмор, Саржент (Ида, 72), Пукки.
«Арсенал»: Рэмсдейл, Уайт, Ҳолдинг, Габриэль, Тирни, Жака, Парти (ан-Ненни, 75), Эдегор, Сака (Пепе, 78), Ляказетт, Мартинелли (Смит-Роу, 82).
Огоҳлантиришлар: Жака (39), Плахета (41), Парти (62).;
«Тоттенҳэм» — «Кристал Пэлас» 3:0
Голлар: 1:0 – 32 Кейн, 2:0 – 34 Лукас Моура, 3:0 – 74 Сон Ҳён Мин.Четлатиш: Заҳа (37).
Изоҳ (0)