Қашқадарё вилоятининг Қарши шаҳри, Қарши ва Китоб туманларида прокурорлар ўзгарди. Бу ҳақда «Дарё»га вилоят прокурори матбуот котиби Соҳибжон Ғайбуллаев хабар берди.
Қайд этилишича, Қарши тумани ҳокими Мақсуда Мустафоева бошчилигидаги ҳокимлик масъуллари кам таъминланган аёлларга ажратилган 100 миллион сўм саховат пуллари «еб кетилгани» айтилган пайтда Қарши туманида ҳуқуқ ҳимоячиси вазифасини бажарган Алишер Мирзаев Қарши шаҳри прокурори этиб тайинланган. Шаҳарнинг собиқ прокурори Актам Наврўзовнинг ишдан кетиш сабаби эса очиқланмаган.
Вилоятда шунингдек, Қарши тумани ҳамда Китоб туманига ҳам янги прокурорлар тайинланган.
Қарши шаҳрида иш бошлаган Алишер Мирзаев ўрнида 2018 йилдан бери Китоб тумани прокурори сифатида ишлаб келган Тоғаймурод Муродов тайинланган бўлса, Китоб туманига айни кунга қадар Тошкент вилоятининг Ўрта Чирчиқ тумани прокурори лавозимида ишлаб келган Собиржон Темиров тайинланган.
«Дарё» мухбири билан суҳбатлашган вилоят прокуратураси ахборот хизмати раҳбари Соҳибжон Ғайбуллаев Қарши шаҳрининг собиқ прокурори Актам Наврўзовнинг лавозимдан олиниш сабаби ҳақида кейинроқ батафсил маълумот берилишини билдирди.
Мавзуга доир:
- «Катта-катта ҳокимларни жавобгарликка тортсангиз, сизни ҳурмат қилишни бошлайман». Мирзиёев ер ажратишдаги коррупция ҳолатлари юзасидан бош прокурорга юзланди
- Марказий банк Бухоро ва Наманган вилоят бош бошқармаларига янги раҳбарлар тайинлади
- Сурхондарёда судьялик қасамёдини бузган суд раиси лавозимидан озод этилди
Изоҳ (0)