Qashqadaryo viloyatining Qarshi shahri, Qarshi va Kitob tumanlarida prokurorlar o‘zgardi. Bu haqda “Daryo”ga viloyat prokurori matbuot kotibi Sohibjon G‘aybullayev xabar berdi.
Qayd etilishicha, Qarshi tumani hokimi Maqsuda Mustafoyeva boshchiligidagi hokimlik mas’ullari kam ta’minlangan ayollarga ajratilgan 100 million so‘m saxovat pullari “yeb ketilgani” aytilgan paytda Qarshi tumanida huquq himoyachisi vazifasini bajargan Alisher Mirzayev Qarshi shahri prokurori etib tayinlangan. Shaharning sobiq prokurori Aktam Navro‘zovning ishdan ketish sababi esa ochiqlanmagan.
Viloyatda shuningdek, Qarshi tumani hamda Kitob tumaniga ham yangi prokurorlar tayinlangan.
Qarshi shahrida ish boshlagan Alisher Mirzayev o‘rnida 2018-yildan beri Kitob tumani prokurori sifatida ishlab kelgan Tog‘aymurod Murodov tayinlangan bo‘lsa, Kitob tumaniga ayni kunga qadar Toshkent viloyatining O‘rta Chirchiq tumani prokurori lavozimida ishlab kelgan Sobirjon Temirov tayinlangan.
“Daryo” muxbiri bilan suhbatlashgan viloyat prokuraturasi axborot xizmati rahbari Sohibjon G‘aybullayev Qarshi shahrining sobiq prokurori Aktam Navro‘zovning lavozimdan olinish sababi haqida keyinroq batafsil ma’lumot berilishini bildirdi.
Mavzuga doir:
- “Katta-katta hokimlarni javobgarlikka tortsangiz, sizni hurmat qilishni boshlayman”. Mirziyoyev yer ajratishdagi korrupsiya holatlari yuzasidan bosh prokurorga yuzlandi
- Markaziy bank Buxoro va Namangan viloyat bosh boshqarmalariga yangi rahbarlar tayinladi
- Surxondaryoda sudyalik qasamyodini buzgan sud raisi lavozimidan ozod etildi
Izoh (0)