Республика Гидрометеорология маркази 29 декабрдан 1 январга қадар Ўзбекистон ҳудудида кузатиладиган об-ҳаво ҳақида маълумот берди. Янги йил арафаси ўзбекистонликларни тунги совуқлар кутмоқда, 31 декабрь куни эса ҳаво ҳарорати 13 даражагача илийди.
«Кеча иссиқ заминимиз аҳолисини хурсанд қилган аёзли ва қорли об-ҳавонинг сабаби ҳудудимизга Россиянинг Европа ҳудудидан (Москва вилояти) кириб келган совуқ ва нам ҳаво массасидир. Бутун республика бўйича қор ёғиши кузатилди, текислик ҳудудларда биринчи барқарор қор қоплами ҳосил бўлди», — дея таъкидлайди синоптиклар.
27 декабрь куни кундуз куни республика ҳудудининг катта қисмида совуқ об-ҳаво кузатилади, фақат Фарғона водийси вилоятларида қор ёғади. Ҳарорат фони меъёрдан 5—7 даражага паст бўлади ва 2 даража илиқ — 3 даража совуқдан юқори бўлмайди.
Қайд этилишича, йил охиригача ёғингарчилик кутилмайди. 28—29 декабрь кунлари кечаси ҳаво 3—8 даражагача совуқ, 30—31 декабрда эса 2 даража илиқ — 3 даражагача совуқ кўтарилади, 28 декабрь кундуз куни ҳарорат 2—7 даража илиқ бўлади, 31 декабрга кундуз куни 8—13 даражагача илиқлашади.
Аввалроқ «Ўзгидромет» 26—27 декабрда А-373 Тошкент—Ўш автомобиль йўлининг Қамчиқ довони қисмида қор, вақти-вақти билан кучли қор ёғиши, туман тушиб, кўринувчанлик 50 метргача пасайиши, шамол тезлиги секундига 17-22 метргача кучайиши, йўлда қор уюмлари, яхвонлик ҳосил бўлиши кутилаётганини маълум қилганди.
Изоҳ (0)