Шавкат Мирзиёев Uzbekistan GTL очилиш маросимида хорижий давлатлардаги Ўзбекистон элчиларига юзланиб ўзлари элчилик қиладиган давлатлардан хорижий ҳамкорларни ва замонавий технологияларни жалб этишга чақирди.
Президент нега элчиларни заводнинг очилиш маросимига чақирганини тушунтирди.
«Бугунги тадбиримизда қатнашаётган Ўзбекистоннинг хорижий давлатлардаги барча элчилари ҳам Қашқадарёда янги лойиҳаларни амалга оширишга фаол ҳисса қўшиши учун жалб қилинди. Бунинг учун улар олдиндан вилоятга келиб, шаҳар ва туманларнинг ихтисослашувини, мавжуд имкониятларни, қандай истиқболли лойиҳалар кераклигини ўрганишди.
Энди улар бу лойиҳаларда иштирок этиш ва бошқа янги лойиҳаларни ишлаб чиқиш учун ўзлари элчилик қиладиган давлатлардан хорижий ҳамкорларни ва замонавий технологияларни жалб этишга киришади.
Сиз Ўзбекистон юзисиз. Кўпларинг жуда яхши ишлаяпсизлар. Баъзиларга эса кун ўтса бўлди. Хорижда Ўзбекистон манфаати учун ишлашингизда барча шароитларни яхшилаб борамиз», — деди давлат раҳбари.
Мавзуга доир:
- Шавкат Мирзиёев Uzbekistan GTL заводида 1,3 мингта мутахассис юқори даромадли, доимий иш ўрнига эга бўлишини маълум қилди
- «Заводда ишлаб чиқариладиган маҳсулотлар жаҳондаги энг юқори экологик талаблар, норма ва стандартларга тўлиқ жавоб беради» — Шавкат Мирзиёев Uzbekistan GTL ҳақида
- «GTL заводида инновацион ечим: ўзини ўзи электр энергияси билан таъминлайди» – Шавкат Мирзиёев
Изоҳ (0)