“GTL zavodida innovatsion yechim: o‘zini o‘zi elektr energiyasi bilan ta’minlaydi” – Shavkat Mirziyoyev

Uzbekistan GTL majmuasi ochilishida nutq so‘zlagan Shavkat Mirziyoyev zavodda ishlab chiqariladigan dizel yoqilg‘isi ham kamida Yevro-6 standartlariga javob berishini va mintaqada bunday toza mahsulot ishlab chiqaradigan korxona umuman mavjud emasligini ta’kidladi.

“Bu esa, o‘z navbatida, ushbu mahsulotlar hisobiga respublikada aviatsiya xablarini tashkil qilish hamda yuk tashishda xizmat qiladigan yirik logistika kompaniyalarini rivojlantirishga mustahkam zamin yaratadi. Yana bir muhim jihati shundaki, zavodni elektr energiya bilan ta’minlashda ham innovatsion yechimlar qo‘llangan.

Ya’ni texnologik jarayonlarda hosil bo‘ladigan bug‘ hisobidan yiliga 650 million kilovatt/soat elektr energiyasi ishlab chiqarilib, zavod o‘zini o‘zi energiya bilan ta’minlaydi”, – deydi davlat rahbari.