Shavkat Mirziyoyev Uzbekistan GTL ochilish marosimida xorijiy davlatlardagi O‘zbekiston elchilariga yuzlanib o‘zlari elchilik qiladigan davlatlardan xorijiy hamkorlarni va zamonaviy texnologiyalarni jalb etishga chaqirdi.
Prezident nega elchilarni zavodning ochilish marosimiga chaqirganini tushuntirdi.
“Bugungi tadbirimizda qatnashayotgan O‘zbekistonning xorijiy davlatlardagi barcha elchilari ham Qashqadaryoda yangi loyihalarni amalga oshirishga faol hissa qo‘shishi uchun jalb qilindi. Buning uchun ular oldindan viloyatga kelib, shahar va tumanlarning ixtisoslashuvini, mavjud imkoniyatlarni, qanday istiqbolli loyihalar kerakligini o‘rganishdi.
Endi ular bu loyihalarda ishtirok etish va boshqa yangi loyihalarni ishlab chiqish uchun o‘zlari elchilik qiladigan davlatlardan xorijiy hamkorlarni va zamonaviy texnologiyalarni jalb etishga kirishadi.
Siz O‘zbekiston yuzisiz. Ko‘plaring juda yaxshi ishlayapsizlar. Ba’zilarga esa kun o‘tsa bo‘ldi. Xorijda O‘zbekiston manfaati uchun ishlashingizda barcha sharoitlarni yaxshilab boramiz”, — dedi davlat rahbari.
Mavzuga doir:
- Shavkat Mirziyoyev Uzbekistan GTL zavodida 1,3 mingta mutaxassis yuqori daromadli, doimiy ish o‘rniga ega bo‘lishini ma’lum qildi
- “Zavodda ishlab chiqariladigan mahsulotlar jahondagi eng yuqori ekologik talablar, norma va standartlarga to‘liq javob beradi” — Shavkat Mirziyoyev Uzbekistan GTL haqida
- “GTL zavodida innovatsion yechim: o‘zini o‘zi elektr energiyasi bilan ta’minlaydi” – Shavkat Mirziyoyev
Izoh (0)