Шавкат Мирзиёев Uzbekistan GTL заводи очилиши муносабати билан нутқ сўзламоқда. Давлат раҳбари заводда ишлаб чиқариладиган маҳсулотлар тури ва сифатига тўхталиб ўтди.
«Бугун GTL технологиясига бутун дунёда талаб кун сайин ортиб бораётганини қайд қилиб ўтмоқчиман.
Шу боис АҚШ, Канада, Норвегия ва бошқа қатор давлатларнинг етакчи компаниялари ҳам ана шундай лойиҳаларни амалга оширишга киришмоқда. Халқаро энергетика агентлиги ҳисоб-китобларига кўра, GTL маҳсулотларини ишлаб чиқариш 2030 йилга бориб 2 баробар ўсади.
GTL заводи маҳсулотларидан хом ашё сифатида фойдаланган ҳолда, янада юқори қўшилган қийматли янги турдаги маҳсулотлар ишлаб чиқаришни кўпайтириш бўйича ҳам режаларимиз бор.
Жумладан, завод негизида алкил-бензол, бутен ва гексен, синтетик мойлар, малеин ангидрид, эмулсион қўшимчалар, катализаторлар каби маҳсулотлар ишлаб чиқариш бўйича қиймати 620 миллион доллар бўлган 6 та лойиҳа амалга оширилади.
Ўз навбатида, бу яримтайёр маҳсулотлар кимё ва маиший кимё, текстил, чарм ва мебель, қурилиш материаллари ва электротехника каби соҳаларда кенг қўлланилади.
Яна бир муҳим жиҳат – заводда ишлаб чиқариладиган маҳсулотлар жаҳондаги энг юқори экологик талаблар, норма ва стандартларга тўлиқ жавоб беради», – дейди Шавкат Мирзиёев
Мавзуга доир:
- «Энди газимизни арзон-гаровга четга сотмасдан, ўзимиз қайта ишлаймиз ва кўпроқ даромад оламиз» — Шавкат Мирзиёев
- «Энди сифатли авиакеросинимиз бор. Биз Навоийда авиахаб ташкил этамиз. Бошқа давлатлар учун авиахизматлар кўрсатишимиз мумкин» – Шавкат Мирзиёев
- «Мени хурсанд қилаётгани 3-4 миллиард АҚШ долларига тенг GTL мажмуасини 40 га кирмаган қоракўзларимиз бошқаряпти» — Шавкат Мирзиёев
- «Бундай йирик мажмуа шу пайтгача жаҳонда фақат 4 та давлатда барпо этилган». Шавкат Мирзиёев GTL заводининг очилиш маросимида нутқ сўзламоқда
Изоҳ (0)