«Энди газимизни арзон-гаровга четга сотмасдан, ўзимиз қайта ишлаймиз ва кўпроқ даромад оламиз» — Шавкат Мирзиёев

Шавкат Мирзиёев Uzbekistan GTL заводи очилиш маросимиолди тақдимотида Ўзбекистоннинг ерости бойликлари халқники эканлиги ва шундай бўлиб қолиши кераклиги ҳақида гапириб ўтди.

«Бу заводлар, топилаётган конлар энг аввало ўзбек халқига манфаат олиб келиши керак. Ҳар бир ‘скважина’ни ‘сиз’ дейишимиз керак. Ахир бу Аллоҳнинг халқимизга берган неъмати-ку. Бунинг қадрига етишимиз керак.

Афсуски, узоқ йиллар биз унақа қилмадик. Қаердан кон топсак, сотдик. Топдик, сотдик. Энг алам қиладигани, ўзимизнинг бойликларни хориждагиларга ялингудек бўлиб сотдик. Халқни ўйламадик. Худди Ўзбекистонда вақтинча яшаётгандай иш тутдик, «эртага бу юртда нима бўлса ҳам менга қизиғи йўқ» деган принцип бўлди.

Энди бунақа бўлмайди. Аллоҳ таоло ўзбек халқига берган бойликлари фақат халқимизга хизмат қилиши керак. Бошқача бўлишига йўл қўймайман.

Энди газимизни арзон-гаровга четга сотмасдан, ўзимиз қайта ишлаймиз ва кўпроқ даромад оламиз. Мана, пахта бўйича худди шу тизимни йўлга қўя олдик-ку, газда ҳам шунақа қиламиз», — деди Шавкат Мирзиёев.