Бухоро вилоятида товламачилик боғлиқ ҳолатлар аниқланди. Бу ҳақда «Янги давр» кўрсатувида маълум қилинди.
Маълум қилинишича, Бош прокуратура департаментининг Ғиждувон туман бўлими ходимлари томонидан тезкор тадбир ўтказилган. Унда автомактаблардан бирида ўқитувчи вазифасида ишловчи шахс «Зарангари» маҳалласида яшовчи фуқарони (1995 йилда туғилган) алдаб, ваколатли танишлари орқали унга ҳайдовчилик гувоҳномаси олиб беришини айтган. Бунинг эвазига 3 миллион сўм талаб қилган.
Тезкор тадбирда у кимёвий ишлов берилган пулларни олган вақтида ашёвий далиллар билан ушланган.
Бундан ташқари, Пешкў тумани 2-сон болалар ва ўсмирлар спорт мактаби услубчиси Қоровулбозор туманида яшовчи фуқарони (1984 йилда туғилган) алдаб, ваколатли танишлари орқали турмуш ўртоғининг малака тоифасини оширганлик тўғрисидаги сертификатни олиб беришни ваъда қилган.
У тумандаги кафелардан бирида кимёвий ишлов берилган 300 долларни олган вақтида ушланган.
Юқоридаги ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Мавзуга доир:
- Тошкентда фуқаролардан дарсларга қатнашмаслик учун пул талаб қилган иккита автомактаб директори ушланди
- Гулистонда фуқароларга 1100 доллар эвазига C ва Э тоифадаги ҳайдовчилик гувоҳномаларини олиб беришни ваъда қилган шахс ушланди
- Фарғона ва Бухорода чет элга виза тайёрлаб беришни ваъда қилиб, фуқаролар пулини фирибгарлик йўли билан олган шахслар ушланди
Изоҳ (0)