Шавкат Мирзиёев Uzbekistan GTL заводи очилиш маросимидан аввал мутасаддилар ва ОАВ вакиллари билан суҳбатлашди.
«Битта тўғри қадам иқтисодиётни барқарор қилади. Мени хурсанд қилаётгани 3-4 миллиард АҚШ долларига тенг GTL мажмуасини ёш-ёш, 40 га кирмаган қоракўзларимиз йўлга қўйяпти, бошқаряпти. (Давлат раҳбари Uzbekistan GTL бош директори Фахриддин Абдурасулов, Шўртан газ-кимё мажмуаси директори Шуҳрат Аслановларни мисол қилиб келтирди). Булар хорижда таҳсил олиб келишган.
Бу мегалойиҳадан нафақат Ўзбекистон иқтисодиёти, балки шу ерда яшаётган ғузорликлар ҳам манфаатдор бўлиши керак», – дейди давлат раҳбари.
Президент Ғузорда йирик ишлаб чиқариш объектларини ташкил этиш, инфратузилмани яхшилаш, ижтимоий объектларни кўпайтириш, аҳоли дам олиши учун маданий лойиҳалар ишлаб чиқиш ҳақида вилоят раҳбарларига топшириқ берди.
Изоҳ (0)