Шавкат Мирзиёев 21 декабрь куни ер ҳисоби ва давлат кадастрларини тўлиқ шакллантириш, соҳага рақамли технологияларни жорий этиш масалалари юзасидан кенгайтирилган йиғилиш ўтказилди. Бу ҳақда президент матбуот котиби Шерзод Асадов хабар қилди.
Йиғилишда йўл, электр, газ таъминоти, сув хўжалиги, ободонлаштириш объектлари, кўп қаватли уйларга туташ ҳудудлар кадастрида ҳам кўплаб муаммолар мавжудлиги қайд этилган.
«Бу жуда катта ва муаммоли масала, жаноб ҳоким ва прокурорлар. Бунинг орқасида пора ва коррупция турибди.
Юқоридаги натижалар ер кадастри соҳасида бошлаган ишларимизнинг 50 фоизи, холос. Ҳали олдимизда қилинадиган ишлар кўп. Бир нарсани аниқ тушуниб олиш лозим. Биз келгуси йилда 80 минг гектар пахта ва ғалладан бўшаган ерларни аҳолига бўлиб беришни режа қилганмиз. Агар ернинг ҳисоби, аниқ чегараси бўлмаса, бу ишларни амалга ошириб бўлмайди», — деган президент.
Қайд этилишича, қаерда бўш ер борлиги тўғрисида аниқ маълумот йўқ, бу билан 30 йил давомида ҳеч ким шуғулланмаган. Оқибатда кадастр ҳужжати бўлмагани боис 2 миллиондан зиёд оила уй-жойларини на кредит гарови сифатида қўя олади, на уни сота олади.
Шунингдек, мажлисда Ўзбекистонда 23 млн гектар қишлоқ ерларининг электрон харитаси яратилгани ҳақида ҳам хабар берилганди.
Мавзуга доир:
- Тошкент вилоятида 13,7 гектар ерни 3,4 млн долларга сотмоқчи бўлган инвестициялар ва ташқи савдо бошқармаси ходими ушланди
- Самарқандда 50 сотих ерни ноқонуний равишда 34 минг долларга сотишга уринган шахс ва унга ёрдам бермоқчи бўлган кадастр ходими ушланди
- Ўзбекистонда 11 ой ичида қарийб 2,5 минг гектар ер ўзбошимчалик билан эгаллаб олинган
Изоҳ (0)