Toshkent shahrida muntazam ravishda tanishidan pul talab qilib kelgan shaxs tezkor tadbirda qo‘lga tushdi, deb xabar bermoqda Tergov departamenti.
Ma’lum qilinishicha, 14-dekabr kuni Namangan viloyatida yashovchi A.I. (1994-yilda tug‘ilgan) Yakkasaroy tuman IIO FMB boshlig‘i nomiga ariza bilan murojaat qilgan. Unda 11-dekabr kuni J.Z. (2000-yilda tug‘ilgan) ismli shaxs uning sha’niga putur yetkazadigan foto va video tasvirlarni Instagram ijtimoiy tarmog‘iga joylashtirmasligi evaziga 5 million so‘m talab qilib kelayotganini ma’lum qilgan.
Qayd etilishicha, shu kuni Yakkasaroy tumani Sh.Rustaveli ko‘chasida holat yuzasidan tezkor tadbir o‘tkazilgan. Unda J.Z. A.I.dan 100 dollar va 500 ming so‘m olayotgan vaqtida ashyoviy dalillar bilan ushlangan.
Ta’kidlanishicha, tergov jarayonida J.Z. oldin ham A.I.ning sha’niga putur yetkazadigan foto va video tasvirlarni Instagram ijtimoiy tarmog‘iga joylashtirmaslik uchun 4 million so‘m olgani, bundan tashqari, boshqa xarajatlari uchun ham pul undirib kelgani aniqlangan.
Mazkur holat J.Z.ga nisbatan Jinoyat kodeksning 165-moddasi 1-qismi (tovlamachilik) bilan jinoyat ishi qo‘zg‘atilib, protsessual tartibda ushlangan.
Mavzuga doir:
- Toshkentda qizning kiyimsiz holdagi videosini tarqatmaslik uchun undan 5 ming dollar talab qilgan shaxsga hukm o‘qildi
- Xorazmda Instagram’dagi obro‘sizlantiruvchi rasmlarni o‘chirish evaziga 5 ming dollar so‘ragan shaxs ushlandi
- Farg‘onada o‘zi bilan ishqiy munosabatda bo‘lgan erkak videosini tarqatmaslik evaziga undan 150 ming dollar talab qilgan ayol va sheriklariga sud hukmi o‘qildi
Izoh (0)