• Профилга Кириш
  • 1744009905_435.svg 1744009905_642.svg

  • Сўнгги янгиликлар
  • Асосий янгиликлар
  • Энг кўп ўқилган
  • Колумнистлар
O'zbekcha
Русский
English
  • O'zb
  • Ўзб
  • Рус
  • Eng
  • O'zb
  • Ўзб
  • Рус
  • Eng
  • Сўнгги янгиликлар
  • Асосий янгиликлар
  • Энг кўп ўқилган
  • Колумнистлар
    • USD12915.9
    • RUB162.44
    • EUR14658.25
    • Google play
    • App Store
    • Telegram
    • Тошкентда
      +23°C
      • Андижон
      • Қарши
      • Бухоро
      • Самарқанд
      • Фарғона
      • Сирдарё
      • Жиззах
      • Термиз
      • Наманган
      • Тошкент
      • Навоий
      • Тошкент вил
      • Нукус
      • Урганч
    • Daryo
      • Интернет-нашр
      • Таҳририят
      • Алоқа маълумотлари
      • Фойдаланиш шартлари
      • Махфийлик сиёсати
      • Янгиликлар архиви
    • Реклама
    • Ижтимоий тармоқлар
      • Instagram | Расмий
      • Instagram | Лайфстайл
      • Instagram | Спорт
      • Facebook | Расмий
      • OK | Расмий
      • YouTube | Daryo
      • YouTube | Daryo Рус тилида
      • YouTube | Daryo Глобал
    Telegram Youtube Facebook Instagram Twitter vkontakte
    Daryo logo white
    • Ўзбекистон
      • Бошқалар
      • Навоий
      • Тошкент вилояти
      • Сирдарё
      • Жиззах
      • Қашқадарё
      • Сурхондарё
      • Хоразм
      • Бухоро
      • Самарқанд
      • Наманган
      • Фарғона
      • Aндижон
      • Қорақалпоғистон
      • Тошкент ш.
      • Меҳридарё
      • Об-ҳаво
    • Марказий Осиё
      • Ўзбекистон (Маҳаллий)
      • Афгонистон
      • Қирғизистон
      • Қозоғистон
      • Туркманистон
      • Тожикистон
    • Дунё
    • Пул
      • Бизнес
      • Иқтисодиёт
      • Молия
      • Крипто
    • Маданият
      • Кино
      • Китоб
      • Мусиқа
      • Шоу-бизнес
    • Лайфстайл
      • Аёллар саҳифаси
        • Фарзанд
        • Гўзаллик
        • Карьера
        • Маслаҳатлар
        • Мода
        • Рецептлар
      • Технологиялар
        • Архитектура
        • Гаджетлар
        • Илм-фан
        • Коинот
        • Медиа
      • Авто
      • Қўзиқорин
      • Саёҳат
      • Саломатлик
      • Таълим
        • Абитуриент
        • Инглиз тилини ўрганамиз!
    • Спорт
      • Футбол
      • UFC
      • Бокс
    infinix
    Daryo.uz - Login
    Daryo.uz Daryo.uz
    Daryo.uz - Login
    Ўзбекистон

    «Одам баъзан ўтмишга қайтгиси келса, шу ерга ошиқаркан». «Чорсу» миллий таомлар бозорига фотосаёҳат

    Тошкентдаги йирик савдо-сотиқ маркази — «Чорсу» бозори турли даврларда турфа номлар билан аталган. «Чорсу», «Жўба», «Регистон», «Эски Жува», «Болшой базар» (катта бозор) кабилар ёзма манбаларда кўп тилга олинган. Шаҳарнинг геометрик марказида, пойтахтнинг тўрт даҳаси туташган қисмида жойлашган бозор бугун ҳам асосий олди-сотди нуқтаси саналади.

    Савдо расталари, маҳсулот турига қараб ажратилган мўъжаз бозорчалар қаторида миллий таомлар ошхонаси, чойхона, ҳатто алоҳида овқат бозори ҳам мавжуд бўлганини XIX-ХХ асрларга оид рус манбалари ҳам тасдиқлайди. «Дарё» мухбири пойтахтликлар орасида «Овқат бозори» сифатида машҳур ушбу жойдан махсус фоторепортаж тайёрлади.

    «Чорсу» бозорининг бир қисми акс этган кўриниши.

    «Чорсу» бозорининг бир қисми акс этган кўриниши.
    Фото: Twitter

    «Чорсу» бозорида Ўзбекистоннинг бутун тарихи жамланган, десак муболаға эмас. Сопол буюмлар, миллий либослар, ширинлик, хилма-хил нонлар, зиравор, мева-ю сабзавотлар, қўл меҳнати билан ясалган ҳайкаллар, китоблар, совғалар, сувенирлар, миллий матолардан тикилган рўмол-у дурралар, маҳси-ковуш, калиш, дўппи, чопон ва бошқа юздан ортиқ буюмни топиш мумкин.

    Бироқ ушбу ноз-неъматлар қаторида улкан кўк гумбазнинг шундоқ ўнг тарафидаги «Овқат бозори»га кирмаслик, ўзбек миллий таомлари мазасини тотмаслик ноўрин.

    «Овқат бозори» жойлашувининг сунъий йўлдошдан олинган сурати.

    «Овқат бозори» жойлашувининг сунъий йўлдошдан олинган сурати.
    Скриншот: Google Maps

    Турли-туман таомлар меҳр қўшиб пиширилган бозорга яқинлашаркансиз, димоғингизга энг аввал кабоб иси урилади. Икки қатор кетган расталарда палов, сомса, норин, қази-қарта, гумма, ҳасип, қовурилган балиқ, хоним, манти, қўзичоқ қовурға, нўхатшўрак ва бошқа овқатлар пиширилади.

    «Чорсу» миллий таомлар бозори халқ тилида «Овқат бозори», рус тилида «Обжорние ряди» деб аталади. Асосий кириш дарвозаси. Ушбу дарвоза жуда қадимий эканини 1970 йиллардаги суратлар ҳам далиллайди.

    «Чорсу» миллий таомлар бозори халқ тилида «Овқат бозори», рус тилида «Обжорние ряди» деб аталади. Асосий кириш дарвозаси. Ушбу дарвоза жуда қадимий эканини 1970 йиллардаги суратлар ҳам далиллайди.
    Фото: «Дарё» / Мадина Нурман

    Расталар катта бўлмаган ҳудудни эгаллайди. Ҳар бир сотувчи хўрандалар учун раста ортида жой ҳозирлаб қўйган. Икки савдогар ораси шу қадар зички, бор-йўғи бир қадам чиқади, холос. Мабодо, билмай бошқанинг «ошхонаси»га ўтиб кетсангиз, жойингиз тезда кўрсатиб қўйилади.

    Бозор ичкариси ўнг ва чап тарафдан тўлиқ овқатлар қаторидан иборат. Бу ерда асосан палов, кабоб, сомса, хоним, манти, шўрва, ҳасип, лағмон, норин ва бошқа турли миллий таомлар тайёрлаб сотилади.

    Бозор ичкариси ўнг ва чап тарафдан тўлиқ овқатлар қаторидан иборат. Бу ерда асосан палов, кабоб, сомса, хоним, манти, шўрва, ҳасип, лағмон, норин ва бошқа турли миллий таомлар тайёрлаб сотилади.
    Фото: «Дарё» / Мадина Нурман

    Фото: «Дарё» / Мадина Нурман

    Фото: «Дарё»/ Мадина Нурман

    Сотувчилар озгина-ю созгина қоидаси билан ишлайди. Ҳар ким доимий мижози ва харидорларнинг тахминий сонидан келиб чиқиб таом пиширади. Аксари овқати тугаса, баъзилари соат 20:00 да бозор ёпилгач, ишини тўхтатади.

    Айрим ошпазлар таомни уйида тайёрлаб келса, бошқалари шу ернинг ўзида пишириб сотади. Уйида тайёрлайдиганлар тунги соат 02:00 дан иш бошлаб, барвақт бозор оралайдиган харидор учун ҳаммасини олдиндан тахт қилиб қўяди.  Нархлар турлича: 5-70 минг сўм оралиғида. Килолаб сотиладиган таомлар эса бундан қимматроқ.

    Маъмура Эргашева, 50 йиллик тажрибага эга ошпаз 

    Фото: «Дарё» / Мадина Нурман

    «Эски шаҳарнинг камида 100 йиллик тарихи бор. Одамлари бошқача. Бу жойлар аввал ‘Паст бозор’ дейилган. Қариялар бозорни шу ном билан билишади. Ўзим ҳам шу ерликман. 6 ёшимдан бери онамга эргашиб бозорга келардим. Овқатларимизнинг бошқа ошхоналарникидан бутунлай фарқи бор. Сотувчиларнинг ҳаммаси ўзимизники. Уларнинг ота-онаси, бобо-бувиси савдогар ўтиб, касбимиз авлоддан авлодга ўтаверган. Тошкентнинг овқат маркази қаер, дейишса, ҳа, шу ер-да! Ҳунарининг ҳақиқий усталари жамланган, деб айтаман».

    Маъмура Эргашева навбатдаги харидорга палов билан нўхатшўрак сузиб бераркан, суҳбатни давом эттириб, ишидан ҳеч қачон зерикмаслиги, аксинча, қилаётган юмуши ўзига жуда ёқишини бот-бот такрорлади. Онахоннинг тўрт фарзанди орасидан бир ўғли бугун касбини давом эттираётган экан.

    Фото: «Дарё» / Мадина Нурман

    Маъмура Эргашева хўрандаларни кутиб олиб, палов билан ейиладиган аччиқ-чучукни тезда тайёрлашга киришди.

    Маъмура Эргашева хўрандаларни кутиб олиб, палов билан ейиладиган аччиқ-чучукни тезда тайёрлашга киришди.
    Фото: «Дарё» / Мадина Нурман

    «Меҳнатимиз мураккаб, харидорлар билан ишлаш осон эмас, аммо мароқли. Асосан, кузда бозоримиз чаққон, сабаби об-ҳаво сал танни жунжиктирадиган пайтда одамнинг иссиқ овқатга талаби ошади. Харидорларимиз кўпроқ палов, кабоб ва хонимни севиб истеъмол қилади», — дейди тажрибали ошпаз.

    Яқинлашиб келаётган совуқ мавсум – қишда улар қандай ишлаши ҳақидаги саволга Маъмура опа «Йўқ, қийналмаймиз, энди бу ернинг томини беркитиб бўлмайди, чунки кабоб ва бошқа таомларнинг тутуни, иси чиқади. Аммо совуқ ва иссиқ сув, канализация масалаларида умуман муаммо йўқ», — деди.

    Ошпаз онахон паловдан ташқари, нўхатшўрак, қайнатма шўрва ва лағмон каби таомларни ҳам маҳорат билан тайёрлайди.

    Ошпаз онахон паловдан ташқари, нўхатшўрак, қайнатма шўрва ва лағмон каби таомларни ҳам маҳорат билан тайёрлайди.
    Фото: «Дарё» / Мадина Нурман

    Фото: «Дарё» / Мадина Нурман

    Маъмура опа билан хайрлашиб, расталарни кўздан кечиришни давом эттирар эканман, ушбу масканнинг яна бир тажрибали ходими, ҳасипчилар сулоласи вакиласи Зуҳра Сиддиқова билан яқиндан танишишга ҳаракат қилдим.

    Зуҳра Сиддиқова, 25 йиллик тажрибага эга ҳасипчи ошпаз

    Фото: «Дарё» / Мадина Нурман

    «Бу бозорни бувимлар Мукаррам Йўлдошева нон сотишидан бошланган, деб айтиб берар эдилар. Ўша вақтда сотувчилар секин-секин овқатларни ҳам сотувга чиқара бошлашган. Масалан, бувим ҳасип қилиб, кўмир солинган челак устига тоғорача қўйиб сотган эканлар. Ўзим 25 йилча бўлди шу ердан ризқ топаётганимга.

    7 ёшимдан бери онамга ёрдамчи бўлиб, бозорнинг паст-баландини ўргандим. Икки қиз, бир ўғил ўстиряпмиз. Касбимни насиб қилса, ўғлим давом эттирмоқчи. Ҳар ишда бўлганидек, бизнинг ишдаям осон эмас. Ярим кечаси туриб овқатга уннаймиз, кейин саҳармардонлаб бозорга келиб, харидор кутамиз.

    Бир ейишлиги 20 минг сўм, килоси 50 минг сўм. Дам олиш кунлари талаб катта бўлади. Лекин мавсумидан қатъий назар, қишин-ёзин савдоси пасаймайди. Карантин пайти эл қатори пишириб сотавердик. Ўшанда одамлар иммунитетни кўтаради, деб мана шу ёғлиққина ҳасиплардан кўп-кўп олишди».

    Фото: «Дарё»/ Мадина Нурман

    Яшнар Каримов, 16 йиллик тажрибага эга кабобпаз

    «Бу бозорда энг аввал сомса сотилган, деб эшитганман. Кейинчалик бошқа миллий таомларимиз сафга қўшилган экан. 2004 йили бозор қайтадан қурилиб, мана шу қиёфага кирди. Эрталаб соат 08:00 дан кабоб пиширишни бошлайман. Нархи 12 минг сўмдан бошланадиган 3-4 хил кабоб баҳор ва куз фаслларида, ҳафтанинг шанба ва якшанбасида кўп сотилади.

    Таомларимиз мазасини хўрандаларимиз шаҳарнинг бошқа емакхонасида тополмадик, деб мақташади. Бунинг сабаби, менимча, рақобатда. Ҳар бир сотувчи мижозим бошқага ўтиб кетмасин деб овқатини мукаммал тайёрлашга ҳаракат қилади.

    Сайёҳларга ҳам жуда ёққан овқатларимиз. Яқинда дунё кезиб юрадиган бир акамиз аэропортдан тўғри шу ерга келиб, 6 та кабоб еди-да, ‘Дунёнинг шунча давлатида еган бўлсам ҳам, бу кабобнинг мазасини бошқа ердан тополмадим’, деди. Уч қизим бор. Тўнғичимнинг касби меникига яқинроқ — қандолатпаз».

    Фото: «Дарё»/ Мадина Нурман

    Фото: «Дарё»/ Мадина Нурман

    Ҳуррият опа, хўранда

    «Ҳар сафар дугоналарим, фарзанд ёки невараларим билан ‘Чорсу’га бозорликка келсак, албатта, овқат бозорига кирамиз. Овқатларининг мазасига гап йўқ, бошқа жойлардаги ошхоналар катта фарқ қилади. Нархиям чўнтакбоп. Ўзи доимий норинчимиз бор эди, шу кишидан олиб ердик, бугун негадир кўринмадилар.

    Фото: «Дарё»/ Мадина Нурман

    Нуржаҳон Фармонов, хўранда

    « ‘Чорсу’ овқат бозорига, адашмасам, бешинчи марта келишим. Овқатларининг мазаси шаҳардаги бошқа емакхоналарникидан кескин фарқ қилади, деб айтолмайман. Кези келса, таъм борасида бирор ўзгачалик сезмадим. Ягона жиҳат — бу ерда миллийлик, колорит, экзотика бор. Одам баъзан фильмларда кўрганимиз – лаби учган пиёла, эски стол-стул, униққан дастурхонларда овқатланишни ҳам қўмсар экан. Нархлари таомларнинг сифатига нисбатан баланд, деган фикрдаман. Албатта, бу ер асосан сайёҳлар учун норасмий овқат маркази. Балки нархлар ҳам шунга мувофиқдир».

    Мирзаёр Эркинов, хўранда

    Фото: «Дарё» / Мадина Нурман

    «Бу бозорни 6-7 йилдан бери биламан, жуда кўп келганман. Масалан, кеча Қозоғистондан келган дўстим билан шу ерга келдик. Меҳмондўстликнинг ёзилмаган қоидаларига мувофиқ, ўзим пул тўладим. Бир порция норин, бир порция ҳасип шўрваси, 2 та жигар, 2 та жаз кабоб, 1 та нон ва 1 чойнак қора лимон чой олдик. Назаримда, 100 минг сўм атрофида тўласам керак, дегандим, хизмат кўрсатувчи аёл 185 минг сўмлик ҳисоб чиқариб берди.

    Аммо мана бугун сайёҳ ҳамроҳимсиз, дўстим билан келиб, 2 кишилик еган овқатимиз 125 минг сўмга ҳам бормади. Кейин худди кечаги овқатлар кетма-кетлигини ҳисоблатган эдим, тахминан, 88-100 минг сўм атрофида чиқди. Демак, сайёҳларга нисбатан айрим сотувчиларда нархни баландроқ қилиб кўрсатишаркан-да!

    Бу жойнинг ижобий томонларини ҳам айтмасам бўлмас. Бозор архитектураси ўтган асрнинг 80 –90 йилларини эслатади. Қандайдир миллий, соф ўзбекона муҳит бор.

    Таомларидан ҳали кўпини емаганим учун ҳозирча норин, хоним, мантини тавсия қила оламан.

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Холодес.

    Холодес.
    Фото: «Дарё»/ Мадина Нурман

    Фото: «Дарё»/ Мадина Нурман

    Манти, норин ва лимонли қора чой.

    Манти, норин ва лимонли қора чой.
    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    «Чорсу» бозорининг машҳур «бозор хоними».

    «Чорсу» бозорининг машҳур «бозор хоними».
    Фото: «Дарё» / Мадина Нурман

    Дўлма.

    Дўлма.
    Фото: «Дарё»/ Мадина Нурман

    Пиширилган тил.

    Пиширилган тил.
    Фото: «Дарё»/ Мадина Нурман

    Холодес.

    Холодес.
    Фото: «Дарё»/ Мадина Нурман

    Қовурилган балиқ.

    Қовурилган балиқ.
    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Фото: «Дарё»/ Мадина Нурман

    Шўрва.

    Шўрва.
    Фото: «Дарё»/ Мадина Нурман

    Лағмон қайласи.

    Лағмон қайласи.
    Фото: «Дарё»/ Мадина Нурман

    Фото: «Дарё»/ Мадина Нурман

    Ушбу маскан ҳақида ҳар кимнинг фикри турфа. Кимгадир овқати, кимгадир муҳити маъқул келади.  Аммо «Чорсу» бозоридаги бу нуқта — ўзбек таомларининг том маънодаги очиқ ярмаркасидир.

    Мавзуга доир:

    • «Черняевка»нинг қарсилдоқ, қилтаноғи кам, фақат буханка билан ейиладиган балиқлари ҳақида репортаж
    • Ўзбекистонда балиқ мавсуми бошланди. Бутунлигича пишириладиган Яллама балиқлари ҳақида репортаж
    • Нишолда нима учун айнан Рамазонда истеъмол қилинади? Тошкент бозорларидан махсус репортаж

    18.12.2021, 12:11   Изоҳ (0)   50462
    Facebook Twitter LinkedIn Telegram Email

    Изоҳ (0)

    Кириш
    Жавоб қолдиринг Бекор қилиш

    Мавзуга доир

    Қорақалпоғистонда 100 мегаваттли шамол электр станциясини қуриш бўйича битимлар имзоланди

    18.12.2021, 11:30

    Ўзбекистоннинг қатор ҳудудларида ерости силкинишлари сезилди

    18.12.2021, 11:08

    Чилонзордаги ободонлаштириш ишчиларининг маошлари кечиктирилгани маълум бўлди

    18.12.2021, 10:24

    ИИВ Tracker’ининг қарийб 150 млн сўмлик қарзи борлиги ва у ЙҲХББ бошлиғи Олим Саидовга тегишли эканлиги юзасидан раддия берилди

    18.12.2021, 09:50

    Монополияга қарши курашиш қўмитаси тадбиркорнинг 1,75 млрд сўм асоссиз қарзини бекор қилди

    18.12.2021, 08:36

    Тошкентда танишининг номақбул фото ва видеоларини тарқатмаслик учун ундан 5 млн сўм сўраган 21 ёшли йигит ушланди

    18.12.2021, 08:10
    ×Lightbox Image

    Daryo.uz | Сизнинг муаммоингиз ечими


    Оқтепа Лавашдан “Кулгили нархлар”: севимли таомлар — ҳар бир позиция 10 мингдан 20 минг сўмгача бўлган махсус нархларда


    Жамғармалар билан қандай ишлаш зарур: банк омонатлари, акциялар ёки инвестицион пакетлар? (давоми)


    Mobiuz IQAir ҳаво сифати датчигини ўрнатди


    Тармоқда болалар хавфсизлиги : Octobankдан маслаҳатлар


    Huawei Cloud TechWave Summit 2025: Яқин Шарқ ва Марказий Осиёда муваффақиятни ошириш учун интеллектуалликни тезлаштириш 


    Centrum Air Истанбул ва Ўзбекистоннинг уч шаҳри ўртасида тўғридан-тўғри рейсларни йўлга қўймоқда


    AKFA Medline University Hospital AHA расмий ўқув маркази мақомини қўлга киритди


    Илғор қурилиш технологиялари асосида қад ростлаётган Қуйи Чотқол ГЭС


    Huawei Ўзбекистондаги “Теч Carnival”да Интеллектуал дунё ривожини жадаллаштирмоқда


    ZTE корхонаси GSMA М360 Евросиё форумида суний интеллект рақамли иқтисодиёт ривожига қўшаётган ҳиссаси ҳақида маълумот берди


    Энг чуқур ғор, энг баланд кўприк ва энг сирли маскан – Наманганга борамиз



    APEX BANK Тошкентда Бош офис ва Марказий сотув офисини очди


    Kapitalbank ходимларининг рақамли кўникмаларини ривожлантирмоқда 


    ANORBANK Хусусий секторни ривожлантириш бўйича Ислом корпорацияси билан 10 миллион АҚШ долларига тенг келишув имзолади

     

    Тавсия этамиз

    Аёл овчилардан илғор самолётларга қадар — Украина рус Shahed’ларини қандай овлайди?

    19 май, 20:10

    “Ленд-Лиз” ёрдами совға бўлмаган — Британия иккинчи жаҳон урушида берилган ёрдамни қандай қайтарган эди?

    19 май, 15:00

    “Ёвузлик империяси заминимизга ҳеч қачон қайтмаслиги учун” — жамоатчилик ўроқ-болғали қизил байроқ ва қора-оловранг лентани тақиқлашни сўрамоқда

    13 май, 22:22

    Улар доим дунёда энг яхшиларидан бўлган — покистонлик ҳарбий учувчилар ҳақида

    12 май, 21:30
     
     
     

    Сўнгги янгиликларга ўтиш

    Қуёш атрофида Ердан ўн баробар катта “қуш” кўринди 

    Дунё | 26 май, 00:18

    “Дарё” видеорепортажи: Наманганда 64-халқаро гуллар фестивали бошланди

    Ўзбекистон | 26 май, 00:06

    Ўзбекистон U-17 терма жамоасининг Жаҳон чемпионатидаги рақиблари маълум бўлди

    Спорт | 26 май, 00:02

    Ироқда сув захиралари рекорд миқдорда камайди 

    Дунё | 25 май, 23:30

    Суперлига. “Динамо” камбек амалга ошириб, “Қизилқум”дан устун келди

    Спорт | 25 май, 23:27

    Қорақалпоғистонда инспектор қувган йигит мактаб ўқувчиси эмаслиги аниқланди (видео) 

    Ўзбекистон | 25 май, 23:17

    АПЛ. Абдуқодир Ҳусанов “Манчестер Сити” билан Англия чемпионати бронза медалига эга чиқди

    Спорт | 25 май, 22:42
    Daryo About Us

    «Daryo» интернет-нашрининг (Ўзбекистон матбуот ва ахборот агентлиги (ЎзМАА, ҳозирги Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги) томонидан 13.03.2015 йил санасида 0944-сонли гувоҳнома билан оммавий ахборот воситаси сифатида рўйхатга олинган). Матнли материалларини тўлиқ кўчириш ёки қисман иқтибос келтиришга, шунингдек, фотографик, график, аудио- ва/ёки видеоматериалларидан фойдаланишга daryo.uz сайтига гиперҳавола мавжуд бўлган ва/ёки «Daryo» интернет-нашрининг муаллифлигини кўрсатувчи ёзув илова қилинган тақдирда йўл қўйилади. Чоп этиладиган баъзи маълумотлар 18 ёшга тўлмаган фойдаланувчиларга мўлжалланмаган бўлиши мумкин. Info@daryo.uz

    Telegram Youtube Facebook Instagram Twitter vkontakte

    © «Simple Networking Solutions» МЧЖ, 2013–2025

    Ёш бўйича чеклов

    Хато топдингизми? Ctrl+Enter тугмаларини босинг

    • Фойдаланиш шартлари
    • Махфийлик сиёсати
    • Реклама
    Нимани қидирамиз?

    Sign In or Register

    Хуш келибсиз!

    Тизимга киринг ёки Рўйхатдан ўтинг.

    Google

    ёки Э-Почта орқали

    Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатади

    Рўйхатдан ўтинг

    Рўйхатдан ўтганмисиз? Login.

    Google

    ёки Э-Почта орқали

    Сизга парол электрон почта орқали юборилади.

    Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатади

    Матнда хато топдингизми?

    ×

    Раҳмат. Биз сизнинг хабарингизни олдик ва хатони имкон қадар тезроқ тузатамиз.