Ижтимоий тармоқларда давлат рақами 01 202 VSG бўлган Tracker автомобили йўл бўйлаб қарама-қарши ҳаракатлангани акс этган видеолавҳа тарқалди. Йўл ҳаракати хавфсизлиги бош бошқармаси ҳолатга муносабат билдирди.
Маълум қилинишича, Tracker Тошкент вилояти Ички ишлар бош бошқармаси иккинчи минтақавий ҳудуд раҳбари полковник Иброҳим Ҳасановга бириктирилган. Автомобильни ҳайдовчи Одил Сангилов бошқарган.
Мазкур хизмат автомобилида ўз вақтида қопланмаган қарздорлик борлиги аниқлангач, Тошкент вилояти ИИББ иккинчи минтақавий ҳудуд Оҳангарон шаҳар ИИБ ЙҲХБ Йўл-патруль хизмати инспектори томонидан «Оҳангарон Раҳмон транс сервис»га қарашли жарима майдонига қўйилган ва ҳолат бўйича хизмат текшируви бошланган.
Кейинроқ Давлат йўл ҳаракати хавфсизлиги хизмати сайтида қоидабузар 01 202 VSG рақамли Tracker ЙҲХББ бошлиғи Олим Саидовга тегишли экани кўрсатилган маълумотлар пайдо бўлди. Унда автомашинанинг 148 миллион 499 минг сўм қарздор экани маълум қилинган.
Тошкент вилояти ИИББнинг ҳолат бўйича тақдим этган маълумотига кўра, Tracker автомобилининг 148 миллион сўм жаримаси бор деган маълумот ҳақиқатдан йироқ.
«Чиндан ҳам бу машинада бартараф этилмаган қарздорлик мавжуд. Аммо маълумотда кўрсатилган сумма 3 баробар орттириб ёзилган. Ҳолат юзасидан тайинланган хизмат текшируви давомида мавжуд қарздорликларнинг келиб чиқиш сабаблари тўлиқ ўрганиб чиқилади», – дейилади хабарда.
Мавзуга доир:
- «Камерангни синдириб, қўлингга минг доллар бераман, янгисини оласан». Malibu ҳайдовчиси чақирган сохта ходим ЙПХ инспекторларини ҳақорат қилди (видео)
- Фарғонада йўл қоидасини бузган ЙПХ ходими жаримага тортилди
- Тошкентда Mercedes-Benz ва «Гелендваген» ҳайдовчилари ЙПХ ходимларидан қочишга уринди (видео)
Изоҳ (0)