Хотирани яхшилашга ёрдам берадиган 10 тавсия

Маълумотларни эслаб қолиш билан боғлиқ муаммоларни олдини олиш учун нима қилиш керак? «Домашний очаг» нашри бу борада ёрдам берадиган тавсияларни эътиборингизга ҳавола қилади.

Ҳамма нарсанинг ўз жой бўлсин

Кўзойнак, калит ёки бошқа буюмни қаерга қўйганингизни эслай олмайдиганларга қўл келадиган тавсия: ҳамма нарсанинг доимий турадиган жойи бўлсин ва ҳар сафар ишлатгандан кейин ўша жойга қўйинг. Шунда топишингиз мушкул бўлмайди.

Ҳамма муҳим маълумотларни ёзиб юринг

Муҳим сана, исм ва телефон рақамлари тезда ёдингиздан кўтариладиган бўлса, уларни блокнотга ёзиб юришни одат қилинг. Ҳар сафар керак бўлганда очиб қарасангиз бўлади, қолаверса, ёзиб олиш жараёнининг ўзи маълумотни яхшироқ эслаб қолишга ёрдам беради.

Сўз ўйинлари

Оила аъзоларингиз, дўстларингиз билан бирон хотирани чархлашга ёрдам берадиган сўз ўйинларини ўйнанг. Бу яхши самара бериши ва вақтингизни самарали ўтишига ёрдам бериши аниқ.

Такрорланг

Эшитган янги маълумотингизни хотирага муҳрлаш учун уни овоз чиқариб, камида 10 марта такрорланг. Мактаб даврингизда шеър ёдлаганингиздек усулдан фойдаланинг.

Мияни чархлашга ҳаракат қилинг

Янги тил ўрганинг, дўстларингиз билан китобларни муҳокама қилинг ёки кроссворд ечинг. Энг асосийси дангасалик қилманг.

Мулоқот қилинг

Эътибор берган бўлсангиз, волонтёрлик билан шуғулланадиган, кўп вақтини оила аъзолари ва дўстлари даврасида кўп вақт ўтказадиганлар маълумотларни тез сақлаб қолади. Одамлардан узоқлашманг, мия янги маълумот ва эмоцияларга эҳтиёж сезишини унутманг.

Одатий ишларни қўлларни алмаштириб бажаринг

Вақти-вақти билан одатий ишларни қўлларингизни алмаштириб бажаринг. Бу миянинг чап ва ўнг ярим шарлари учун яхши машқ бўлади.

Овқатланишга эътибор беринг

Нотўғри овқатланишдан хотира организмнинг бошқа функцияларидан кам азият чекмайди. Гап шундаки, «ёмон» холестерин ва қон босими ҳамда қондаги шакар концентрацияси юқори бўлганда қон-томирлар шикастланади. Бу эса когнитив қобилиятнинг сусайиши, хусусан, хотира ёмонлашишига олиб келади.

Спорт билан шуғулланиш

Доимий равишдаги жисмоний фаолликда нафақат тана, балки миядаги қон айланиши ҳам яхшиланади. Хотира яхши ва равшан бўлиши учун кунига 30 дақиқа спорт билан шуғулланиш кифоя.

Зарарли одатлардан воз кечинг

Чекиш ва спиртли ичимликларни ҳаддан ортиқ истеъмол қилиш қон-томирларга зарар етказиб, инсульт ва инфаркт хавфини орттиради. Зарарли одатлар хотира ва диққат билан боғлиқ муаммоларга олиб келади.