Инсульт ҳар йили миллионлаб инсонларнинг ҳаётига зомин бўладиган хавфли касаллик ҳисобланади. Шифокорлар касалликнинг келиб чиқиш хавфини камайтириш учун қон босимини назорат қилиш, чекишдан воз кечиш, спорт билан шуғулланиб, тўғри овқатланиш кераклигини таъкидлайди.
Heart нашрида эълон қилинган тадқиқотда инсульт профилактикаси учун кунига бир дона тухум истеъмол қилиш кифоялиги айтилади. 9 йил давомида ярим миллион инсон саломатлигини таҳлил қилган тадқиқотчилар, кунига ҳеч бўлмаганда бир дона тухум истеъмол қилганларда юрак касалликларининг хавфи 11 фоизга. Инсульт хавфи эса 26 фоизга камайганини аниқлаган.
Тадқиқот муаллифларининг тахминига кўра, бу тухумнинг «яхши» холестерин миқдорини кўпайтириши, юракни ҳимоя қилиши, шунингдек, организмдан «ёмон» холестеринни чиқариб ташлаши билан боғлиқ бўлиши мумкин. Бундан ташқари, оқсилга бой тухум қондаги шакар миқдорини камайтириб, вазннинг соғлом бўлишини таъминлайди. Бу эса инсульт хавфини камайтиришга ёрдам беради.
Изоҳ (0)