Маълумки, қариш жараёни 25 ёшдан бошланади. Бироқ инсон фаол ҳаёт тарзи билан шуғулланса, спиртли ичимликларга қарам бўлмаса, бу дарҳол сезилмайди. Аммо бу соғлом терининг ягона душмани эмас. Қуйида қариш жараёнини тезлаштирувчи одатлар билан танишиб чиқинг.
Смартфон ва ижтимоий тармоқлар
Олимлар гаджетлар чиқарадиган кўк нурнинг хавфи ва фойдалари ҳақида баҳслашмоқда. Унинг таъсири тўлиқ ўрганилмаган, лекин ҳақиқатан ҳам асраш керак бўлган нарса кўздир. Мисол учун, қўлда смартфон билан стандарт ҳолатни кузатиш керак: бел букилади, бўйин эгилади, бош пастга тушади. Буларнинг барчаси терига таъсир қилади ва оқибатлар яхшиликка олиб келмайди. Ҳеч бўлмаганда, баъзида ижтимоий тармоқлар тасмасини кўришдан бош тортиш, бир кеча-кундуз смартфон экранига эгилган ҳолда ўтирмаслик керак. Тоза ҳаво, спорт, тўғри овқатланиш, ғамхўрлик қаришнинг ҳақиқий душманидир.
Фастфуд егуликлари
Фастфуд егуликларини севиб истеъмол қиладиганлар ортиқча вазн ва эрта қаришдан қочиб қутулмайди. Юз тўқималарининг шишиши, терининг қуриши, деформацияси ва рангнинг хиралашиши – бу фастфуд таомларини меъёрдан ортиқ истеъмол қилишнинг оқибатлари. Бунинг олдини олиш учун нима қилиш керак? Албатта, рационни назорат қилиш лозим.
Қуёш нури
Пляжда кўп вақт ўтказишни яхши кўрадиганлар қуруқ тери, ажинлар, қизариш ҳолатига дуч келади. Бундан ташқари, ҳаддан ташқари қуёш нурида тобланиш фойдали эмас. Шунинг учун бундай ҳолатда қуёш нуридан ҳимояловчи махсус воситадан фойдаланиш тавсия этилади.
Чекиш
Сигареталар терига ультрабинафша нурлари каби салбий таъсир кўрсатади: эркин радикаллар чиқарилади ва ферментларни фаоллаштиради. Улар, ўз навбатида, эластин ва коллагенни парчалайди. Натижада тери бўшашади ва ажинлар пайдо бўлади. Шунинг учун ушбу зарарли одатни аста-секинлик билан ташлаш билан саломатликни сақлаб қолиш зарур.
Офисда ишлаш
Монитор қаршисида кунига 6 соатдан ишлаш аёлларни ўртача 5-10 йилга қаритишини биласизми? Косметологлар ҳатто махсус атамага ҳам эга: компьютер юз – кўз остидаги қора халтачалар, терининг қуриши ва ажинлар ҳамда курка бўйни. Шунинг учун ҳам офисда ишлайдиганлар танаффус ҳақида унутмаслиги, тоза ҳавога чиқиши, кўпроқ сув ичиши, ўз ҳолатини назорат қилиши, ҳавони намлаб туриши лозим.
Турмуш тарзи
Тунда ҳам ишлашни яхши кўрадиган «бойўғли»лар кундузи бурнини тишлаши шубҳасиз. Бу нафақат ҳаёт сифатига ёмон таъсир кўрсатади, балки тери учун ҳам зарарлидир. Гап шундаки, терининг ҳам ўзига хос ҳаёт ритми бор. Кечаси барча ҳужайра жараёнлари фаоллашади –ҳужайра бўлиниши, янгиларининг туғилиши ва эскиларининг ўлиши, шунинг учун кечаси ухламаслик натижасида терининг биоритми бузилади. Аста-секин асабийлик ва гормонал бузилиш юзага келади. Сурункали уйқусизликдан халос бўлишга ҳаракат қилиш керак, спорт билан шуғулланиш, соғлом овқатланишга ўтиш, терини қайта тиклаш учун тунги крем ва ниқоблардан фойдаланиш тавсия этилади.
Изоҳ (0)