Пиночетнинг беваси Лусия Ириарт 99 ёшида вафот этди
Августо Пиночетнинг беваси, Чилининг собиқ биринчи хоними Лусия Ириарт 16 декабрь куни Сантьягодаги қароргоҳидан вафот этди. Бу ҳақда La Tercera газетасига таяниб, Meduza хабар берди.
10 декабрь куни Ириарт 99 ёшни қаршилаган эди.
Маълумот учун, Лусия Ириарт 1922 йилда адвокат ва Чилининг собиқ ички ишлар вазири Освалдо Ириарт Корвалан оиласида дунёга келган. 1943 йилда у ҳарбий Аугусто Пиночетга (1915—2006 йиллар) турмушга чиққан. Уларнинг никоҳидан беш фарзанд дунёга келган.
Манбаларга кўра, айнан Лусия Ириарт турмуш ўртоғини 1973 йилда президент Салвадор Алендега қарши тўнтаришни ташкиллаштиришга ундаган. Пиночетнинг Чилидаги диктатуралик даврида — 1973 йилдан 1990 йилга қадар Ириарт эрининг яқин маслаҳатчиси бўлиб, мамлакат сиёсатига катта таъсир кўрсатган. Расмий маълумотлар бўйича Чилидаги дикратура даврида сиёсий баҳоналар билан 3 мингдан ортиқ одам ўлдирилган, 35 мингдан зиёд фуқаро қийноқларга солинган.
2016 йилда Лусия Ириарт ўзи бошчилик қилган CЕМА жамғармасидан бюджет маблағларини ўғирлашда айбланган эди.
Мавзуга доир: Пиночет ҳукмронлиги диктатурамиди, ҳарбий режимми? Чилини иқтисодий инқироздан сақлаб қолган ҳарбий исён ҳақида
